مزن وزیر شہباز شریف ءَ دیوان ءِ سروکی ءَ کنان ءَ پرائیویٹ سیکٹر ءِ دلبڈی، گس جوڑ کنگ ءِ واستہ آسانیں وام ءِ پھجاری ءِ ھوالگ ءَ عملی گامگیج زورگ ءِ پنت ءُ شون

اسلام آباد۔18مارچ  (اے پی پی): مزن وزیر محمد شہباز شریف ءَ اے درگت ءَ عملی گامگیج زورگ ءِ پنت ءُ شون کتگ ءُ کم آمدنی ءِ شہری آناں لوگ ءِ آسراتی پجاری ءِ واستہ نجی شوبگ ءِ دلبڈی ءُ لوگ جوڑ کنگ ءِ واستہ آسانیں وام ءِ پھجاری ءَ را سرکاری اولیت لیک اتگ۔ چار شمبے ءِ روچ ءَ مزن وزیر محمد شہباز شریف ءِ سروکی ءَ مزن وزیر گس ءَ وفاقی وزارت ہاؤسنگ ءُ شہری دیمروئی ءِ کار آنی بابت ءَ دیوان برجم دارگ بوت، ایشی ءِ تہ ءَ وفاقی وزیر کانود   ءُ  انصاف اعظم نذیر تارڑ ، وفاقی وزیر اقتصادی امور احد خان چیمہ ، وفاقی وزیر خزانہ  ءُ گپت ءُ گیر محمد اورنگزیب ، وفاقی وزیر ہاؤسنگ اینڈ ورکس ریاض پیرزادہ، وفاقی وزیر انفارمیشن ٹیکنالوجی   ٹیلی کام شزا فاطمہ ، مزن وزیر ءِ    مشیر برائے بین الصوبائی رابطہ  رانا ثناء اللہ خاں، وزیر مملکت برائے خزانہ  ءُ  ریلوے بلال اظہر کیانی  ءَ بہر زرتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ دیوان ءَ گوں تران کنان ءَ گوشت کہ کم آمدنی ءِ گل ءِ واستہ گس ءِ پجاری، نجی شوبگ ءِ دلبڈی ءُ سرکاری آسراتی آناں گہتر کنگ ءَ ھوار ارزانیں گس ءِ منصوبگ مئے اولی ترجی آنی تہ ءَ ھوار اَنت۔ آئی ءَ پنت ءُ شون کت کہ عام مردم ءَ را ہاؤس فنانس ءِ آسراتی ءَ را موثر رنگ ءَ پجارینگ ءِ واستہ جامع عملی گامگیج چست کنگ بہ بیت۔ دیوان ءِ تہ ءَ دیوان ءَ را وزارت ہاؤسنگ اینڈ ورکس ءِ اسٹریٹجک روڈ میپ ءِ سر ءَ سرپدی دیگ بیت ءُ اے گپ ءِ سر ءَ سرپدی دیگ بیت کہ تعمیراتی شوبگ ءِ ھوالگ ءَ ٹیکس ءِ ڈھانچہ ءَ اصلاحات کنگ بوھگ ءَ انت، فیڈرل بورڈ آف ریونیو ءِ گوما شور ءُ سلاھ کنگ بوھگ ءَ انت ءُ صوبگ آنی تہ ءَ ٹیکس ءِ معیاری کنگ ءِ ھوالگ ءَ ھم تعمیراتی شوبگ ءِ سر ءَ شور ءُ سلاھ کنگ بوھگ ءَ انت۔ رہن ءِ زرّ۔ مزن وزیر ءَ را سرپد کنگ بیت کہ سرکاری ءُ نجی شریکداری ءِ چیر دستی ءَ کم آمدنی ءِ مردم آنی واستہ گس آنی جوڑیشت ءِ واستہ کارروائی ءِ منصوبگ تیار کنگ بوھگ ءَ انت، رئیل اسٹیٹ ءُ ہاؤسنگ ءِ شوبگ ءِ ریگولیشن ءِ ھوالگ ءَ رئیل اسٹیٹ ریگولیٹری اتھارٹی ءِ سر ءَ عمل درآمد کنگ بیت۔ ہاؤس فنانس ءِ بابت ءَ وزارت مالیات، ایف بی آر، سیکیورٹیز اینڈ ایکسچینج کمیشن ءُ صوبہ وزارت ہاؤسنگ ءِ گوما یکجاھی ءَ رئیل اسٹیٹ انویسٹمنٹ ٹرسٹ ءِ بابت ءَ کار کنگ ءَ انت۔