درائیں ءُ دمگی چیلنج آنی باوجود ملک ءِ معیشت استحکام ءِ راہ ءَ انت، کلیدی اقتصادی شاخص آنی تہ ءَ مزنیں کساسے ءَ گہتری بوھگ ءَ انت، وزیر خزانہ ءِ مشیر

اسلام آباد۔17مارچ  (اے پی پی): وزیر خزانہ ءِ مشیر خرم شہزاد ءَ گوشت کہ درائیں ءُ دمگی چیلنج آنی باوجود ملک ءِ معیشت استحکام ءِ راہ ءَ انت ءُ کلیدی اقتصادی اشارہ آناں مزنیں کساسے ءَ گہتری آرگ بوھگ ءَ انت۔ سوشل نیٹ ورکنگ ویب سائٹ ”ایکس“ ءِ سر ءَ وتی بیان ءَ آئی ءَ گوشت کہ فروری ءَ کرنٹ اکاؤنٹ ءِ بیلنس 427 ملین ڈالر سرپلس بوتگ کہ مارچ 2025 ءَ چہ گیشیں کچ اِنت، فروری ءِ تہ ءَ درملکی براہ راست سرمایہ کاری ءَ ماہانہ بنیاد ءَ 24 درسد گیشی بوتگ، زرّ ءِ دیم دیگ ءَ سالانہ ءِ تہ ءَ 11 درسد گیشی بوتگ ءُ 2025 ءَ سالانہ ءِ تہ ءَ 11 درسد گیشی بوتگ۔ فروری ءِ ماہانہ بنیاد ءَ 10 درسد ءِ سرا کار کنگ بوتگ۔ آئی ءَ گوشت کہ فروری ءَ انفارمیشن ٹیکنالوجی ءِ برآمدات ءِ تہ ءَ 19درسد گیشی بوتگ۔ مالی سال ءِ اولی ہشت ماہ آنی تہ ءَ آئی ٹی ءِ برآمدات ءِ کساس 3ارب ڈالر ریکارڈ کنگ بوتگ کہ گوستگیں مالی سال ءِ ھمے وھد ءِ مقابلہ ءَ 20درسد گیش اِنت۔ ملک ءِ زرّ ءِ ذخیرہ 4 سال ءِ مستریں کچ ءَ انت کہ ایشی ءَ چہ درآمد ءِ پوشش گیش بوتگ۔ جنوری ءِ ساھت ءَ مزنیں صنعت آنی پیداوار ءَ 12درسد گیشی بوتگ۔ مالی سال ءِ اولی ہفت ماہ ءَ مزنیں صنعت آنی پیداوار ءَ 6درسد ءِ کساس ءَ گیشی بوتگ۔ خرم شہزاد ءَ گوشت کہ خام تیل ءِ نرخ کم کم ءَ کم بوھگ ءَ انت، ڈبلیو ٹی آئی 102 ڈالر ءِ نزیک ءَ انت ءُ برنٹ 95 ڈالر ءِ نزیک ءَ انت ایشی ءَ چہ خام تیل ءِ نرخ 60 ڈالر فی بیرل ءِ نزیک ءَ آیگ ءِ امکانات گیش بوتگ انت۔ آئی ءَ گوشت کہ پاکستان ءَ مارچ ءُ اپریل ءِ واستہ وتی توان ءِ ضلورت ءَ را پکّائی کتگ، کفایت شعاری ءِ واستہ گامگیج کنگ بوتگ، وھدیکہ اقتصادی چست ءُ ایر آنی برجائی ءِ واستہ بندوبست است انت۔ مالیاتی مشیر ءَ گوشت کہ درائیں ءُ دمگی چیلنج آنی باوجود سرجمیں معیشت ءِ بنیاتی اشارہ آنی تہ ءَ گہتری بوھگ ءَ اِنت۔