مزن وزیر شہباز شریف ءَ وزارت ءِ راجی وردن ءُ وراک ءِ سلامتی ءُ پٹ ءُ پول ءُ پارک ءِ کارانی ھوالگ ءَ دیوان ءِ سروکی ءَ کنان ءَ پارک ءِ اصولی نوک جوڑی ءِ منظوری

اسلام آباد۔17مارچ  (اے پی پی): مزن وزیر محمد شہباز شریف ءَ پاکستان کشت ءُ کشاری پٹ ءُ پولی کونسل ءِ نوکیں رنگ ءَ جوڑ کنگ ءِ ھاتر ءَ اصولی منظوری داتگ ءُ ہدایت کتگ کہ ایشی ءَ را چین ءِ اکیڈمی آف ایگریکلچرل سائنسز ءِ لیکہ ءِ رد ءَ کشت ءُ کشاری پٹ ءُ پول ءِ ھاتر ءَ یک مزنیں پٹ ءُ پولی ادارگے جوڑ کنگ بہ بیت ءُ گوشت کہ فوڈ سیکیورٹی ءِ ھاتر ءَ  ،  سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ وزارت ءِ راجی وردن ءُ وراک ءِ سلامتی ءُ پٹ ءُ پول ءُ پارک ءِ کار آنی ھوالگ ءَ دیوان برجم دارگ بوت۔ گند ءُ نند ءِ تہ ءَ نائب مزن وزیر  وزیر خارجہ محمد اسحاق ڈار، وفاقی وزیر اقتصادی امور احد خان چیمہ، وفاقی وزیر وردن ءُ وراک ءِ رکھینوک  رانا تنویر حسین ، وفاقی وزیر برائے موسمیاتی تبدیلی مصدق ملک ، مزن وزیر   ءِ  مشیر رانا ثناء اللہ، وزیر مملکت برائے خزانہ بلال اظہر کیانی ، مزن وزیر   ءِ   ھاسیں کمکار    ہارون اختر  ءُ  طارق باجوہ، مزن  وزیر  ءِ  کوآرڈینیٹر برائے  کشت ءُ کشار  احمد عمیر  ءُ مزنیں سرکاری کارندہ آں گند ءُ نند ءَ بہر زرتگ۔ مزن وزیر  ءَ  پاکستان کشت ءُ کشاری ریسرچ کونسل ءِ نوکیں رنگ ءِ جوڑ کنگ ءِ اصولی منظوری دات۔ مزن وزیر ءَ ہدایت کت کہ پارک ءِ نوکیں ڈھانچہ ءِ واستہ ٹائم لائن ءِ گوما یک سرجمیں منصوبگ جوڑ کنگ بہ بیت۔ آئی ءَ گوشت کہ کشت ءُ کشاری ءُ وردن ءُ وراک ءِ سیکورٹی ءِ شوبگ ءِ دیمروئی ءِ تہ ءَ کشت ءُ کشاری پٹ ءُ پول کلیں کرد ءَ پیلو کنت۔ دیوان ءَ کشت ءُ کشاری پٹ ءُ پول ءِ نوکیں دور ءِ لوٹ آنی رد ءَ پارک ءَ را کارآمد ادارگ جوڑ کنگ ءِ ھوالگ ءَ سرجمیں بریفنگ دیگ بوت۔ گورننس ءِ ڈھانچہ ءِ تہ ءَ اصلاحات، جوانیں پٹ ءُ پولی کارندہ آنی ھزمت، میاں اوستمانی شریکداری، صوبائی حکومت آنی گوما جوانیں رابطہ ءُ کارکردگی ءِ ھاسیں ٹارگٹ راجی وردن ءِ لوٹ آناں پیلو کنگ ءُ کشت ءُ کشاری شوبگ ءِ برآمدات ءَ را گیش کنگ ءِ رد ءَ پارک ءَ را یک کارکردگی ادارگ جوڑ کنگ ءِ اصلاحات ءِ ایجنڈا ءِ بھر اَنت۔ پارک ءِ چیر دستی ءَ کار کنوکیں درستیں پٹ ءُ پولی مراگش یکجا کنگ بنت ءُ پنچ سینٹر آف ایکسیلنس جوڑ کنگ بنت۔ اے مراکز ءِ تہ ءَ گیش پیداوار ءِ بیج، گیش نسل ءِ مال ءُ مڈی، صحت مندیں زراعت، فارم میکانائزیشن ءُ ایشی ءِ تہ ءَ اے آئی ءِ کارمردی ءِ پڑ ءَ پٹ ءُ پول کنگ بیت، ءُ کشت ءُ کشاری برآمدات ءَ را گیش کنگ ءِ واستہ فوڈ پروسیسنگ ءِ پڑ ءَ پٹ ءُ پول کنگ بیت۔ کشت ءُ کشاری پٹ ءُ پول ءَ را صنعت ءَ گوں بندوک کنگ بیت۔