پاکستانی فوج ءَ کابل ءُ ننگرھار ءَ ناشرکارانی سرپرستی کنوکیں فوجی ادارگ نشانگ جوڑ کتگ، تکنیکی کمک ءِ بنیاتی ڈھانچہ ءُ سلاہانی ذخیرہ کنگ ءِ آسراتی ھلاس کنت، وفاقی وزیر اھوالکاری عطا اللہ تارڑ

اسلام آباد۔17مارچ  (اے پی پی): پاکستان ءِ سلاہ بندیں اُرد ءَ آپریشن غضب للحق  ءِ چیر دستی ءَ 16 مارچ 2026 ءِ شپ ءَ سکیں درستیں بالی اُرش کتگ ءُ کابل ءُ ننگار ءَ اوگان طالبان حکومت ءِ ناشرکارانی سرپرستی ءِ فوجی اسٹیبلشمنٹ ءَ را نشانگ جوڑ کتگ۔ سئے شمبے ءِ روچ ءَ سوشل نیٹ ورکنگ پلیٹ فارم ”ایکس“ ءِ سر ءَ وتی پوسٹ ءِ تہ ءَ وفاقی وزیر اھوالکاری ءُ نشریات عطا اللہ تارڑ ءَ گوشت کہ کابل ءِ دو جاھ آنی سر ءَ تکنیکی کمک ءِ بنیاتی ڈھانچہ ءُ سلاہ آنی ذخیرہ کنگ ءِ آسراتی آناں جوانیں رنگ ءَ ھلاس کنگ بیت۔ حملہ آں پد گندگ بوتگیں سیکنڈری دھماکہ ءِ سبب ءَ مزنیں سلاہانی ڈپو ءِ ھست بوھگ ءِ ھاسیں نشانی گندگ ءَ کیت۔ ننگرہار ءَ پاکستان ءِ سلاہ بندیں اُرد ءَ ناشرکاری ءِ سرپرستی کنوکیں اوگان طالبان رژیم ءِ چار فوجی تنصیبات نشانگ جوڑ کتگ اَنت کہ ایشی ءِ آسر ءَ ھمگرنچیں رسد ءِ آسراتی، سلاہ ءُ تکنیکی بنیاتی ڈھانچہ ھلاس بوتگ اَنت۔ ایوک ءَ ھما تنصیبات کہ اوگان طالبان ءِ رژیم وتی جتا جتائیں ناشرکاریں پراکسیانی حمایت ءِ ھاترا کارمرز کنگ ءَ اِنت ایشانی تہ ءَ فتنہ الخریج ءُ فتنہ ہندوستان ھوار اَنت آھاں نشانگ جوڑ کنگ بیت کہ شنگ بوتگیں فوٹیج ءَ چہ پدّر گندگ بیت۔ وفاقی وزیر اھوالکاری ءَ گوشت کہ اوگان طالبان رژیم ءِ پروپیگنڈا کار آنی دروگیں دعویٰ اوگان الس ءُ دگنیا ءَ را دمگ ءَ ناشرکاری ءِ حمایت ءُ اسپانسر کنگ ءِ زھرناکیں کارروائی آنی بابت ءَ بے ھیال کنگ نہ کنت۔ آپریشن غضب للحق ءِ چیر دستی ءَ آپریشن ھما وھد ءَ برجاہ بیت داں کہ ماسٹر ناشرکار پراکسی ءِ نیمگ ءَ ایر کنگ بوتگیں ناشرکاری ءَ چہ پاکستانی شہری آنی رکھینگ ءِ ھاترا لوٹ اتگیں مول ءُ مراد سرجمی ءَ سرجم بہ بنت۔