نیشنل پریس کلب اھوالکارانییک مھکمیں توار اِنت، اھوالکار کمیونٹی ءِ جیڈھ آنی گیواری ءَ وزارت ءِ اھوالکاری دیم ءَ ھم وتی کرد ءَ پیلو کنت، اھوالکاری ءِ وفاقی وزیر عطا اللہ تارڑ ءَ نیشنل پریس کلب ءِ نوک گچین بوتگیں اگدہ دار آنی گوما گپ ءُ تران

اسلام آباد۔16مارچ (اے پی پی):وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ نیشنل پریس کلب اھوالکار آنییک مھکمیں توار اِنت، وزارت ءِ اھوالکاری اھوالکار کمیونٹی ءِ جیڈھ آناں گیواری ءِ واستہ وتی کرد ءَ برجاہ دار ایت۔ آئی ءَ اے گپ نیشنل پریسکلب ءِ نوک گچین بوتگیں صدر عبدالرزاق سیالءُ سیکرٹری ڈاکٹر فرقان راؤ ءَ گوں تران کنان ءَ کت آ دو شمبے ءَ سینئر اھوالکار حاجی نواز رضا ءِ سروکی ءَ ادا گند ءُ نند ءِ واستہ اتکگ انت۔ وفاقی وزیر اطلاعات عطا اللہ تارڑ ءَ نیشنل پریس کلب ءِ گچین کاری ءَ سوبمند بوتگیں ڈیموکریٹسءُ جرنلسٹ پینل ءِ دوئیں اگدہ دار آناں مبارک بات دات ءُ نوک گچین بوتگیں ایگزیکٹو باڈی ءِ باسک آنی واستہ نیکیں واھگ آنی درشان کت۔گند ءُ نند ءَ اھوالکار کمیونٹی ءَ گوں دوچار کپتگیں جیڈھ آں ھوار دگہ ھاسیں بنگپانی سر ءَ ھم ھیال ریچی کنگ بوت۔ اے موہ ءِ سر ءَ وفاقی وزیر ءِ اھوالکاری ءَ گوشت کہ نیشنل پریس کلب اھوالکار آنییک مھکمیں توار اِنت ایش اھوالکار کمیونٹی ءِ جیڈھ آناں گیواریءُ پیشہ وارانہ ارزشت آنی سہرا کنگ ءَ ھاسیں کرد پیلو کنگ ءَ اِنت۔ آئی ءَ گوشت کہ حکومت اھوالکار آنی گہبود ءُ میڈیا ءِ جیڈھ آناں گیواری ءِ واستہ ھمک رنگ ءِ کمک ءَ برجاہ دار ایت۔ وفاقی وزیر ءَ گوشت کہ وزارت ءِ اھوالکاری اھوالکار کمیونٹی ءِ جیڈھ آنی گیواری ءِ واستہ وتی کرد ءَ را برجاہ دار ایت، ایشی ءَ گوں ھمگرنچیں جیڈھ آنی گیواری ءِ واستہ ھمک رنگ ءِ گامگیج چست کنگ بیت۔ ڈل ءِ باسک آں وفاقی وزیر ءِ اھوالکاری ءَ را نیشنل پریس کلب ءِ نوکیں گچین بوتگیں اگدہ دار آنی سوگند ءِ مراگش ءَ بھر زوری ءِ دعوت دات کہ اے مراگش ائیدالفطر ءَ پد برجم دارگ بیت۔ وفاقی وزیر ءَ سوگند چستی مراگش ءَ بہر زورگ ءِ دعوت منگ بوت۔ اے موہ ءِ سر ءَ مزن وزیر ءِ میڈیا کوآرڈینیٹر بدر شہباز وڑائچ، وفاقی سیکریٹری اطلاعات اشفاق احمد خلیل اور پرنسپل انفارمیشن آفیسر مبشر حسن ھم ھوار اتنت۔