مزن وزیر ءِ ہدایت ءِ رد ءَ پٹرولیم ءِ چیز آنی مقررہ نرخ آنی سر ءَ بہا کنگ ءَ را دل یکیمی کنگ بہ بیت، حکومت جھان ءِ کش ءُ چیل ءِ رد ءَ ھرچ جاور ھال ءَ گوں گر ءُ چیل بوھگ ءِ واستہ تیار اِنت، شہباز شریف

اسلام آباد۔16مارچ (اے پی پی):مزن وزیر محمد شہباز شریف ءَ پٹرولیم ءِ چیز آنی ٹھینگ بوتگیں نرخ آنی سر ءَ بیپار ءَ را دل یکیمی کنگ ءِ ہدایت کتگ ءُ گوشت کہ برجاھیں جھان ءِ کش ءُ چیل ءِ رد ءَ حکومت ھرچ جاور ھال ءَ گوں گر ءُ چیل بوھگ ءِ واستہ تیار اِنت۔ دو شمبے ءِ روچ ءَ مزن وزیر محمد شہباز شریف ءِ سروکی ءَ ملک ءِ معیشت ءِ استحکام ءُ جہانی کش ءُ چیل ءِ رد ءَ الس ءَ را ریلیف ءِ پجارینگ ءِ گامگیج آنی ھوالگ ءَ یک چار ءُ تپاسی دیوان ءِ برجم دارگ بوت، ایشی ءِ تہ ءَ نائب مزن وزیرءُ دری کارانی وفاقی وزیر محمد اسحاق درامد ای احد خان چیما، پٹرولیم ءِ وفاقی وزیر علی پرویز ملک، وفاقی وزیر ءِ اھوالکاری عطا اللہ تارڑ، آئی ٹی ءِ وفاقی وزیر شازہ فاطمہ خواجہ، وزیر ءِ مملکت بلال اظہر کیانی ءُ سیادی داروکیں ادارگ آنی مزنیں افسر ھوار اتنت۔مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ دیوان ءَ گشتانک دیان ءَ گوشت کہ استیں جھان ءِ جاور ھال آنی رد ءَ الس آناں ریلیف پجاری ءِ واستہ گیشیں گامگیج آنی سر ءَ ھم شور ءُ سلاھ کنگ بوھگ ءَ اِنت۔ حکومت ءِ وھد ءِ سر ءَ پیسلہ آنی سبب ءَ اے وھد ءَ ملک ءَ پٹرولیم ءِ چیز آنی جوانیں کساس است انت۔ مزن وزیر ءَ گوشت کہ جھان ءِ بدل بوھوکیں جاور ھال آنی رد ءَ ملک ءَ اقتصادی برجائی ءِ واستہ وھد ءِ سر ءَ جوڑ بوتگیں کمیٹی ءِ پیسلہ آنی سبب ءَ الس آناں تیل ءِ برجاھیں سپلائی ممکن بوتگ۔ آئی ءَ گوشت کہ راجی تک ءَ رکھینگ ءُ بچت ءِ واستہ گامگیج آنی سر ءَ عمل کنگ بوتگ ءُ گیشاں چہ گیش کار برجاہ اِنت۔ کفایت شعاریءُ بچت ءِ ھاتر ءَ نافذ بوتگیں درستیں گامگیج آنی سر ءَ عمل کنگ ءَ را دل یکیمی کنگ ءِ واستہ سیمی فریق ءِ آڈٹ پیسر ءَ چہ جاری کنگ بوتگ۔ آئیءَ اقتصادی استحکام ءُ الس آناں ریلیف ءَ را حکومت ءِ اولی ترجی لیک اتگ ءُ گوشت کہ نہ ایوک ءَ زوتیں ریلیف بلکینگ ءَ دراجیں مدت ءِ اقتصادی استحکام ءَ را ھم ھیال ءَ دارگ ءَ درستیں گامگیج کنگ بوھگ ءَ انت۔ مزن وزیر ءَ گوشت کہ پاکستان ءِ حکومت جھان ءِ تک ءَ برجمیں کش ءُ چیل ءِ رد ءَ کجام ھم جاور ھال ءَ گوں دیم پہ دیم بوھگ ءِ واستہ تیار انت۔ آئی ءَ پٹرولیم پروڈکٹ ڈسٹری بیوشن کمپنی آناں ہدایت کت کہ آ حکومت ءِ نیمگ ءَ ایر کتگیں نرخ آنی سر ءَ تیل ءِ بہا کنگ ءَ را دل یکیمی بہ کن اَنت ءُ اے معاملہ ءَ شفافیت برجائی بہ کن اَنت۔گندءُ نند ءَ مزن وزیر ءَ را ملک ءَ تیل ءِ ذخیرہ، ایندھن ءِ لوٹ ءِ پیلو کنگ ءِ واستہ پٹرولیم چیز آنی درآمد ءُ جھان ءِ کش ءُ چیل ءِ رد ءَ الس ءَ را ریلیف پجارینگ ءِ گامگیج آنی بابت ءَ سرپدی دیگ بوت، ایشی ءِ تہ ءَ پاکستان ءِ حکومت تیل ءِ مقررہ نرخ ءِ سر ءَ تیل ءِ بہا کنگ ءِ سر ءَ مدام نگرانی کنگ ءَ اِنت۔ قیمت، پاک ایپ ءِ تہا کارمرز کنوکاں واستہ یک فیچرے ھوار کنگ بوتگ۔نوں کارمرز کنوک پاک ایپ ءِ وسیلگ ءَ ملک ءِ کجام ھم جاگہ ​​ءَ تیل ءِ دست نہ کپگ یا ایشی ءِ مزنیں نھاد ءَ بہا کنگ ءِ بابت ءَ سیادی داروکیں واکداراں سرپدی دات کن اَنت کہ ایشی ءِ سر ءَ سرکار ءِ نیمگ ءَ ترندیں گامگیج چست کنگ بیت۔ دیوان ءِ بہر زوروکاں گوستگیں جمعہ ءِ روچ ءَ مزن وزیر ءِ تیل ءِ نہاداں گیش نہ کنگ ءِ پیسلہ ءَ را ساڑات۔