پاکستان ءَ ایتھوپیا ءَ سیلاب ءُ زمین چنڈ ءِ سبب ءَ بوتگیں تباہی ءُ بیرانی ءِ سر ءَ دلپدردی درشان

اسلام آباد۔16مارچ  (اے پی پی):پاکستان ءَ ایتھوپیا ءِ تہ ءَ تباہ کنوکیں سیلاب ءُ زمین چنڈ ءِ سبب ءَ بوتگیں تباہی ءُ درجناں مردم بیران بوھگ ءِ سر ءَ ایتھوپیا ءِ حکومت ءُ الس ءَ گوں دلپدردی ءِ درشانی کتگ۔ دو شمبے ءِ روچ ءَ درئی کارانی کارگس ءِ جارکش ءَ وتی بیان ءَ گوشت کہ مئے دعا ءُ ھمدردی آماچیں کمیونٹیز ءِ گوما اِنت ءُ ما ایتھوپیا ءِ واکدار آنی کوشست آناں ستا کن ایں کہ آ آماچیں مردم آنی کمک ءِ واستہ شپ ءُ روچ کنگ ءَ اَنت۔ پاکستان ایتھوپیا ءِ الس ءِ گوما یکوئی ءِ درشان ءَ کنت ءُ ہر ممکنیں رنگ ءَ کمک پجارینگ ءِ واستہ تیاری ءِ درشان کنت۔