بلوچستان ءِ سر وزیر ءَ گْوشتگ کہ بلوچستان ءِ 1088 وانگجاھانی اپ گریڈ کنگ ءَ چہ 15 سال ءِ وانگ ءُ زانگ ءِ عدم توازن ھلاس بیت

کوئٹہ۔ 16 مارچ (اے پی پی):بلوچستان ءِ سر وزیر میر سرفراز بگٹی ءَ گشتگ کہ اسکول ءَ چہ دریں زھگاں وانگ ءُ زانگ ءِ ادارگاں آرگ ءِ ھاتر ءَ 5 سالی ٹوھیں پروگرام ءِ سرا ھیال ءُ لیکہ بوھگ ءَ انت۔ بلوچستان ءِ 1088 اسکول آنی اپ گریڈ کنگ ءَ چہ 15 سال وانگ ءُ زانگ ءِ عدم توازن ھلاس بیت۔ بلوچستان ءِ ورنا دیمروی، گپ ءُ تران ءُ جوانیں فکر ءِ پیشگام انت ءُ آ انتہا پسندی ءُ گمراہ کنوکیں بیانیہ ءَ رد کنگ ءَ انت ءُ امن، وانگ ءُ زانگ ءُ دیمروئی ءِ راہ ءَ گچین کنگ ءَ انت۔ اے ھیالانی درشانی آئی ءَ سوشل نیٹ ورکنگ ویب سائٹ (ایکس) ءِ سر ءَ وتی کلوہ ءِ تہ ءَ کتگ کہ پیسر ءَ ٹویٹر ءِ نام ءَ زانگ بوتگ۔ میر سرفراز بگٹی ءَ گوشت کہ آیوکیں مالی سال ءِ بجٹ ءِ تیاری ءِ دیوان ءِ ساھت ءَ ما بلوچستان ءَ وانگ ءُ زانگ ءِ پدمنتگی ءِ ھلاسی ءِ واستہ ھاسیں پیسلہ کتگ۔ اسکول ءَ چہ دریں زھگ آناں وانگ ءُ زانگ ءِ ادارگ آناں آرگ ءِ واستہ 5 سالی یک جامع پروگرام ءِ پیشکش کنگ بوتگ وھدے کہ اے پیشکش ءِ تہ ءَ 679 پرائمری ءُ 409 مڈل اسکول آنی اپ گریڈیشن ءُ نودربر آنی واستہ ماہانہ وظیفہ ءِ ھوار انت۔ تقریباً 1000 اسکول ءِ اپ گریڈیشن ءَ چہ 15 سالی تعلیمی عدم توازن ءِ ھلاسی بیت۔ آئی ءَ گوشت کہ منی ھیال ءَ وانگ ءُ زانگ ءِ پڑ ءَ سرمایہ کاری بلوچستان ءِ وشیں باندات ءِ واستہ سرمایہ کاری اِنت، ءُ گوادر ءَ دومی راجی ورنا سروک دیوان، بلوچستان ءِ برجائی ءَ را وش اتک کنگ بیت۔ بنجاھی وزیر ءَ گوشت کہ بلوچستان ءِ ورنا دیمروئی، گپ ءُ تران ءُ جوانیں سوچ ءِ پیشگام اَنت ءُ آ انتہا پسندی ءُ گمراہ کنوکیں بیانیہ ءَ را رد کنگ ءَ اَنت ءُ امن، وانگ ءُ زانگ ءُ دیمروئی ءِ راہ ءَ گچین کنگ ءَ اَنت۔ آئی ءَ گوشت کہ مینگرو مئے کوہ ءُ کوہ ءِ دمگ آنی واستہ یک قدرتی رکاوٹ ءِ انت، ایشی ءَ چہ چاگردی بدلی آنی اثر آناں رکھینگ ءِ واستہ ھاسیں کرد پیلو کنت۔ بلوچستان حکومت چاگرد ءِ رکھینگ ءُ دیمروئی ءِ ھاترا جزم انت ءُ سونمیانی ءَ مینگرو ءِ کاشت ءِ اے ھاسیں گامگیج ءِ سر ءَ جنگل ءُ جنگلی زند ءِ محکمہ ءِ کوشست ستا کرز انت۔