چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ رحیم یار خان ءَ بوتگیں بدقسمتی ءِ واقعہ ءِ سر ءَ دلپدردی ءِ درشانی کتگ

اسلام آباد۔16مارچ  (اے پی پی):چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ رحیم یار خان ءَ بوتگیں بدقسمتی ءِ وئیل ءِ سر ءَ دلپدردی ءِ درشانی کتگ۔ پاکستان ءِ صدر آصف علی زرداری ءِ ہدایت ءِ سرا چیئرپرسن بی آئی ایس پی سینیٹر روبینہ خالد ءَ ترندیں وھد ءَ رحیم یار خان ءِ ھاترا رھادگ بوتگ تانکہ آ جاہ ءَ سر بہ بیت ءُ جاور ھال ءِ چار ءُ تپاسی ءَ بہ کنت ءُ آماچیں ھانداناں گوں یکوئی ءِ درشان بہ کنت۔ چیئرپرسن بی آئی ایس پی ءِ ہدایت ءِ سرا یک مزن تک ءِ کمیٹی ءِ زوت چہ ہیڈ کوارٹر ءَ رحیم یار خان ءِ ہاترا رھادگ بوتگ کہ آ اے وئیل ءِ سرجمیں پٹ ءُ پول ءَ کنت ءُ زمہ وارانی پجار ءَ کنت ءُ 24 کلاک ءِ تہا سرجمیں رپورٹ پیش کنت۔ اے وئیل ءِ تہ ءَ ممکنہ لاپرواہی ءِ رد ءَ سیادی داروکیں شریکیں بینک ءَ را نوٹس شنگ کنگ بوتگ وھدیکہ ایشی ءِ سر ءَ مزنیں جرمانہ ھم کنگ بوھگ ءَ اِنت۔ بی آئی ایس پی ءِ نیمگ ءَ چہ 100کروڑ کلدار مالی کمک کنگ بیت۔ 1 ملین ءِ زرّ بیران بوتگیں زالبولانی کھول ءِ مردماں ءُ 1000 کلدار ءِ زرّ داتگ اَنت۔ 300 ہزار ٹپیگیں جنین آدماں داتگ ءُ اے زرّ باندا سرجم کنگ بنت۔ چیئرپرسن سینیٹر روبینہ خالد ءَ گوشت کہ اے بدبھتیں وئیل ءِ سر ءَ شفافیں پٹ ءُ پول کنگ بیت ءُ سیادی داروکیں شریکیں بینک ءِ نمائندگ آنی حلاف ءَ سکیں کانودی کاروائی کنگ بیت وھدیکہ آماچیں ھاندان آناں ھمک رنگ ءِ کمک کنگ بیت۔