نائب مزن وزیر ءُ دری کارانی وزیر سینیٹر محمد اسحاق ڈار ءَ جمعہ ءِ روچ ءَ ناروے ءِ دری کارانی وزیر اسپن بارتھ ایڈ ءَ گوں فون ءِ سر ءَ گپ ءُ تران کنان ءَ میاں اوستمانی تک ءَ ترندی ءَ گوں بدل بوھوکیں جاور ھال ءُ ایشی ءِ دمگ ءُ دگنیا ءِ سر ءَ بوت کنوکیں اثر آنی سر ءَ سک باز جیڈھ ءِ درشان

اسلام آباد۔13مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ جمعہ ءِ روچ ءَ ناروے ءِ درئی کارانی وزیر اسپن بارتھ ایڈ ءَ گوں فون ءِ سر ءَ گپ ءُ تران کتگ۔ جمعہ ءِ روچ ءَ دری کارانی وزارت ءِ نیمگ ءَ چہ جاڑی بوتگیں بیان ءِ رد ءَ دوئیں رہشوناں میاں اوستمانی تک ءَ ترندی ءَ گوں بدل بوھوکیں جاور ھال ءُ ایشی ءِ دمگ ءُ دگنیا ءِ سر ءَ بوت کنوکیں اثر آنی سر ءَ سک باز جیڈھ ءِ درشانی کتگ۔ دوئیں رہشوناں ڈی اسکالیشن، میاں اوستمانی کانود ءِ احترام ءُ درستیں جیڈھ آنی گیواری ءِ واستہ گپ ءُ تران ءُ سفارتکاری ءِ نیمگ ءَ پدا واتر بوھگ ءِ ضلورت ءِ سر ءَ زور پر دات۔ گپ ءُ تران ءِ تہ ءَ پاکستان ءُ اوگانستان ءَ گوں سیادی داروکیں جاور ھالانی سر ءَ ھم گپ ءُ تران کنگ بوت۔دری کارانی وزیر آسپن بارتھ ایڈے ءَ اسلام آباد ءِ اممبرگاہ ءَ ناشرکاری اُرش ءَ گران بھائیں جانی بیرانی ءِ سر ءَ دلپدردی ءِ درشانی کتگ وھدیکہ دوئیں سروکاں ناشرکاری ءِ ھرچ رنگ ءُ دروشم ءِ مذمت کتگ۔ دوئیں دری کارانی وزیر آں دو نیمگی ءُ وت مہ وتی مفاد ءِ ایندگر جیڈھ آنی سر ءَ نزیکیں رابطہ ءِ تہ ءَ برجم بوھگ ءِ سر ءَ تپاک کت۔