بیروت ءِ نوکیں امریکی سفارت خانہ ءِ کمپلیکس ءَ کار کنوکیں 170 پاکستانی کارندہ چہ جاہ ءَ کشگ ءُ ایمنی ءَ جاہ منند کنگ بوتگ انت

بیروت ۔13مارچ (اے پی پی): بیروت ءَ پاکستانی سفارت خانہ ءَ ھمگرنچیں کمپنی ءِ کمک ءَ گوں ھما جاہ ءَ جوڑ بوھوکیں نوکیں امریکی سفارتخانہ کمپلیکس ءَ کار کنوکیں 170 پاکستانی کارندہ آناں چہ جاہ ءَ در کتگ ءُ ایمنیں رنگ ءَ جاہ داتگ۔ اے گپ جمعہ ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ تہ ءَ گوشگ بوت۔