اسلام آباد۔ مارچ (اے پی پی): آپریشن غضب للحق ءِ وھد ءَ پاکستانی اُرد اوگانستان ءَ سوبمندیں بالی اُرش برجاہ دارگ ءَ اَنت، اودا پاکستانی اُرد ءَ 12 ءُ 13 مارچ ءِ نیام ءَ شپ ءَ اوگان طالبان ءُ فتنہ الخریج ءِ 4 ناشرکاریں پناہ گاہ سوبمندیں رنگ ءَ نشانگ جوڑ کتگ اَنت، ایشی ءِ تہ ءَ فوجی تنصیبات ھم ھوار اَنت۔ اے اُرشانی تہ ءَ پاکستانی لشکر ءَ اوگانستان …
آپریشن غضب للحق، پاکستان ءِ اُرد اوگانستان ءَ سوبمندیں بالی اُرش برجاہ اَنت
گیشتریں ھال
اسلام آباد۔ مارچ (اے پی پی): آپریشن غضب للحق ءِ وھد ءَ پاکستانی اُرد اوگانستان ءَ سوبمندیں بالی اُرش برجاہ دارگ ءَ اَنت، اودا پاکستانی اُرد ءَ 12 ءُ 13 مارچ ءِ نیام ءَ شپ ءَ اوگان طالبان ءُ فتنہ الخریج ءِ 4 ناشرکاریں پناہ گاہ سوبمندیں رنگ ءَ نشانگ جوڑ کتگ اَنت، ایشی ءِ تہ ءَ فوجی تنصیبات ھم ھوار اَنت۔ اے اُرشانی تہ ءَ پاکستانی لشکر ءَ اوگانستان ءِ بنجاھی شھر کابل ءَ 313 کور ءِ بنیاتی ڈھانچہ نشانگ جوڑ کتگ ءُ ھلاس کتگ۔ سیکورٹی وسیلگ ءِ رد ءَ قندھار ءِ ناشرکاری کیمپ تراوا ءَ را سوبمندیں رنگے ءَ نشانگ جوڑ کنگ بوتگ۔ موثر بالی اُرشانی وھد ءَ قندھار ءِ بالی پٹ ءِ تیل ءِ ذخیرہ کنگ ءِ جاہ ءُ آئی ءِ کش ءُ گور ءِ رسد ءِ بنیاتی ڈھانچہ ھم تباہ کنگ بوتگ۔ سیکورٹی وسیلگ ءَ گشتگ کہ دگہ بالی اُرش ءِ وھد ءَ پکتیا صوبہ ءِ شیریناو ناشرکاری کیمپ ھم نشانگ جوڑ کنگ بوتگ۔ آپریشن غضب للحق ءِ چیر دستی ءَ آپریشن داں ھما وھد ءَ برجاہ بیت داں ٹارگٹ سرجم نہ بنت۔
