وفاقی داخلہ ءِ وزیر محسن نقوی ءَ مزن تک ءِ دیوان ءِ سروکی ءَ کتگ

اسلام آباد۔13مارچ (اے پی پی): اسلام آباد۔ وفاقی وزیر داخلہ محسن نقوی ءِ سروکی ءَ مزن تک ءِ دیوان برجم دارگ بوت۔ وزارت داخلہ ءِ نیمگ ءَ جاڑی بوتگیں پریس ریلیز ءِ رد ءَ اسلام آباد ءَ امن ءُ ایمنی ءُ شہری آسراتی آنی گہتر کنگ ءِ واستہ دیوان ءَ ھاسیں پیسلہ کنگ بوتگ ۔ دیوان ءَ اے پیسلہ کنگ بوتگ کہ اسلام آباد ءِ 109 انٹری پوائنٹ کم کم ءَ 25 ءَ چہ کم کنگ بنت وھدیکہ ریڈ زون ءَ را عملی رنگ ءَ فعال کنگ ءِ پرمان ھم شنگ کنگ بوتگ۔ اے درگت ءَ موثر حکمت عملی ءِ جوڑ کنگ ءِ ہدایت جاری کنان ءَ وزیر داخلہ محسن نقوی ءَ گوشت کہ چیک پوسٹ ءُ انٹری پوائنٹ آنی سر ءَ سکیں نگرانی ءَ چہ سیکورٹی ءَ را فول پروف جوڑ کنگ بہ بیت، چیک پوسٹ آنی واستہ چیک پوسٹ نہ بلکیں ایشی ءِ حقیقی اثر مند گندگ بہ بیت، وفاقی دارالحکومت ءَ ہر قیمت ءَ امن ءُ ایمنی ءَ را دل یکیمی کنگ بہ بیت۔ محسن نقوی ءَ شہر ءِ تہ ءَ آسراتی ءُ ازمت آنی کوالٹی ءَ را گہتر کنگ ءِ واستہ گامگیج آنی ہدایت کتگ ءُ گوشت کہ اے سی شہر ءِ صفائی ءُ تجاوزات آنی کار آنی ذمہ وار بنت۔ وزیر داخلہ ءَ شہر ءِ مزنیں شاہراہ آنی چہ غیر ضروری سامان آناں زوت کشگ ءِ پرمان ءِ شنگ کنگ ءِ وھد ءَ گوشت کہ شہر ءِ دیمروئی ءُ کانود ءِ نفاذ ءِ واستہ انتظامی کارندہ آناں سرجمیں رنگ ءَ کمک کنگ بیت۔ دیوان ءَ چیف کمشنر اسلام آباد، آئی جی اسلام آباد پولیس، ڈپٹی کمشنر، ڈی آئی جی، ایس ایس پی، ایس پی ءُ درستیں اسسٹنٹ کمشنر آں بہر زرتگ۔