اسلام آباد۔13مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ خیبر پختونخوا ءَ ناشرکاری ءِ ھلاپ ءَ وفاقی حکومت ءِ صفر برداشت ءِ پالیشی ءَ را سرجمی ءَ عمل کنگ لوٹ ایت ءُ سنجیدگی ءَ گوں کار کنگ لوٹ ایت۔ وھدیکہ مئے سلاہ بندیں اُرد راجی ایمنی ءِ ھاترا وتی سراں ندر کنگ ءَ اَنت گڑا ھچ وڑیں لاپروائی ءُ نافرمانی برداشت کنگ نہ …
خیبر پختونخوا ءَ ناشرکاری ءِ ھلاپ ءَ وفاقی حکومت ءِ صفر برداشت ءِ پالیسی ءَ را سرجمی ءَ عمل کنگ بہ بیت، پارلیمانی امور ءِ وفاقی وزیر ڈاکٹر طارق فضل چوہدری
گیشتریں ھال
اسلام آباد۔13مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ خیبر پختونخوا ءَ ناشرکاری ءِ ھلاپ ءَ وفاقی حکومت ءِ صفر برداشت ءِ پالیشی ءَ را سرجمی ءَ عمل کنگ لوٹ ایت ءُ سنجیدگی ءَ گوں کار کنگ لوٹ ایت۔ وھدیکہ مئے سلاہ بندیں اُرد راجی ایمنی ءِ ھاترا وتی سراں ندر کنگ ءَ اَنت گڑا ھچ وڑیں لاپروائی ءُ نافرمانی برداشت کنگ نہ بیت۔ یک انٹرویو ءِ تہ ءَ ڈاکٹر طارق فضل چوہدری ءَ گوشت کہ ناشرکاری ءِ بابت ءَ گپ تران بوت کنت بلے خیبر پختونخوا سلاہ بندیں اُرد آنی قربانی آناں منگی اِنت۔ آئی ءَ گوشت کہ صوبگ ءَ ناشرکاری ءِ ھلاپ ءَ جنگ ءَ 8200 ءَ چہ گیش کارندہ شھید بوتگ انت۔ آئی ءَ اے گپ ءِ سر ءَ زور پر دات کہ اے راجی سلامتی ءَ را دل یکیمی کنگ ءَ سلاہ بندیں اُرد آنی فعال ءُ جاری کرد ءِ درشان اِنت۔ آئی ءَ گوشت کہ اے رندی سیاست ءِ بدل ءَ درست یکجا وتی کرد ءَ پیلو بہ کن انت۔ وفاقی وزیر ءَ خیبر پختونخوا ءَ را یکجاھی ءَ اوشتگ ءُ وفاقی حکومت ءِ انسداد ناشرکاری پالیشی ءِ رد ءَ آپریشن آناں دیم ءَ برگ ءِ اجازت دیگ ءِ لوٹ کتگ۔ آئی ءَ اے گپ ءِ سر ءَ زور پر دات کہ ناشرکاری ءِ ھلاپ ءَ جوانیں رنگ ءَ جنگ ءُ سلاہ بندیں اُرد آنی قربانی آناں شرپ دیگ ءِ واستہ سرجمیں کمک ءُ سختی ءَ گوں عمل درآمد المی اِنت۔ آئی ءَ گوشت کہ پاکستان ءِ اُرد ءَ ناشرکار آنی پناہ گاہ آنی ھلاپ ءَ وھد ءِ سر ءَ گامگیج چست کتگ، ایشی ءِ سر ءَ آئی ءَ گیش کرتگ کہ اوگانستان ءَ را باز رند ءَ ھال داتگ بلے آئی ءَ نہ ھچ وڑیں گامگیج ءِ یقینی جوڑ کتگ ءُ نہ کہ ھچ وڑیں ضمانت داتگ۔ آئی ءَ اے گپ ءِ سر ءَ زور پر دات کہ اے بیھارانی باوجود پاکستان ءَ راجی سلامتی ءِ رکھینگ ءُ پڑ ءَ ناشرکاری ءِ گر ءُ دار ءِ واستہ جزمیں رنگ ءَ کار کتگ۔ آئی ءَ گوشت کہ پاکستان ایشی ءَ چہ گیش سمجھوتہ نہ کنت، اے ناشرکاری ءُ راجی سلامتی ءِ واستہ ھرچ وڑیں ھترہ ءِ ھلاپ ءَ آئی ءِ مھکمیں موقف ءِ نشانی انت۔ سندھ ءِ گورنر نہال ہاشمی ءِ بابت ءَ جُست ءِ پسو ءَ آئی ءَ گوشت کہ متحیدہ قومی موومنٹ یا پاکستان پیپلز پارٹی ءِ نیمگ ءَ چہ ھرچ وڑیں تحفظات زوت ھلاس کنگ بنت۔ آئی ءَ اے گپ ءِ سر ءَ زور پر دات کہ دوئیں گل ھاسیں اتحادی گل اَنت کہ آھانی جیڈھ آناں یلہ کنگ نہ بیت۔ آئی ءَ گوشت کہ مزن وزیر محمد شہباز شریف پیسلہ کنگ ءِ وھد ءَ اتحادی آنی موقف ءُ اپوزیشن ءِ ھیال آناں مدام سنجیدگی ءَ گوں چار ءُ تپاسی کنت، ایشی ءَ چہ حکومت ءِ شمولیت ءِ گورننس ءُ احتساب ءِ عزم ءَ را پدر کنت۔
