آپریشن غضب للحق ءِ وھد ءَ فتنہ الخریج/افغان طالبان ءِ رژیم ءِ 663 ناشرکار بیران بوتگ انت، 887 ءَ چہ گیش ٹپی بوتگ انت، وفاقی وزیر اطلاعات عطا اللہ ترار ءَ آپریشن ”غضب للحق“ ءِ بابت ءَ ایکس ءِ سر ءَ پوسٹ کتگ

اسلام آباد۔13مارچ (اے پی پی): آپریشن غضب للحق ءِ وھد ءَ فتنہ الخریج / افغان طالبان ءِ 663 ناشرکار بیران بوتگ ءُ 887 ءَ چہ گیش ٹپیگ بوتگ انت 13 مارچ 2026 ءَ شپ ءِ چار بج ءَ تاں۔ جمعہ ءِ روچ ءَ کہ آپریشن غضب للحق ءِ وھد ءَ اوگان طالبان ءِ 249 چیک پوسٹ تباہ کنگ بوتگ اَنت، وھدے کہ 44 چیک پوسٹ گپتگ ءُ تباہ کنگ بوتگ اَنت۔ ھمے رنگ ءَ 224 ٹینک، بکتاشیں گاڑی ءُ توپ خیر کنگ بوتگ۔ اوگانستان ءِ تہ ءَ ناشرکار آنی 70 جاہ ءُ آھانی کمکی ڈھانچہ ھوائی کارروائی آنی تہ ءَ جوانیں رنگ ءَ نشانگ جوڑ کنگ بوتگ اَنت۔ زانگ بہ بیت کہ 12-13 مارچ 2026 ءِ نیام ءِ شپ ءَ پاکستان ءَ اوگانستان ءَ ناشرکاری ءَ گوں سیادی داروکیں آسراتی آناں سوبمندیں رنگ ءَ نشانگ جوڑ کتگ۔ ناشرکار ءُ آہانی کمکی ڈھانچہ ، رسد ءِ اڈہ ءُ تربیتی کیمپاں ھوار کابل، پکتیا ءُ قندھار ءَ نشانگ جوڑ کنگ بوتگ انت۔ شنگ بوتگیں ویڈیو ءَ چہ اے گپ پدر اِنت کہ پاکستان ءَ گوں سکیں زانتکاری ءَ ایوک ءَ ھما آسراتی نشانگ جوڑ کتگ اَنت کہ آ اوگانستان ءِ تہ ءَ چہ ناشرکاری ءِ کمک ءَ بالواسطہ ھوار بوتگ اَنت ءُ ناشرکاری کیمپ بوتگ اَنت۔ ہچ وڑیں شہری آبادی یا شہری بنیاتی ڈھانچہ نشانگ جوڑ کنگ نہ بوتگ۔