مزن وزیر محمد شہباز شریف ءَ جہانی بازار ءَ تیل ءِ نہادانی تہ ءَ گیشی بوھگ ءَ پد ھم پٹرولیم ءِ چیز آنی نہاداں الس ءِ گوں وعدہ ءِ رد ءَ گیشی نہ کنگ ءِ پیسلہ کنگ بیت

لاہور۔13مارچ (اے پی پی): مزن وزیر محمد شہباز شریف ءَ جھان ءِ مارکیٹ ءَ تیل ءِ نھاد ءِ تہ ءَ گیشیں گیشی ءِ باوجود اے رندی پٹرولیم ءِ چیز آنی نھاد ءَ گیش نہ کنگ ءِ پیسلہ کتگ چوش کہ الس ءَ گوں وعدہ کتگ ات۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ عام مردم ءِ سر ءَ بوجھ ءِ کم کنگ ءِ واستہ نہاد آنی تہ ءَ گیشی کنگ بوھگ ءَ نہ اِنت۔ مزن وزیر ءَ گوشت کہ وعدہ ءِ رد ءَ اے مشکلیں جاور آنی تہ ءَ الس آناں گیش ءَ چہ گیش ریلیف پجاری کنگ بیت۔ آئی ءَ گوشت کہ دمگ ءِ تہ ءَ کش ءُ چیل آنی سبب ءَ اے وھد ءَ جھان ءِ معیشت ءِ سر ءَ دباؤ ءِ تہ ءَ اِنت ایشی ءِ پاکستان ءِ معیشت ءِ سر ءَ مزنیں اثر ءِ گمان اِنت، البت اے جاور ھال ءَ گوں انسانی رنگ ءَ گر ءُ چیل بوھگ ءِ کوشست کنگ بوھگ ءَ اِنت ایشی ءِ سبب ءَ حکومت ءِ نیمگ ءَ چہ وھد ءِ سر ءَ پالیسی جوڑ کنگ، بچت ءِ گامگیج ءُ مالیاتی ڈسپلن ءِ سبب ءَ بوتگ۔ مزن وزیر ءَ گوشت کہ پاکستان ءِ ھزمت ءِ بستار ءَ من اے جزم کتگ کہ اے مشکلیں جاور آنی تہ ءَ گریب آنی سر ءَ بار کم کنگ ءِ واستہ اشرافیہ ءُ اے ملک ءِ حکومت ءَ چہ بندات بہ کناں۔ وفاقی حکومت ءِ تہ ءَ کفایت شعاری ءِ گامگیج آنی گوما صوبائی حکومت ھم اے گامگیج آنی تہ ءَ وفاقی حکومت ءِ سرجمیں کمک ءَ کنگ ءَ اَنت کہ اے وش آتک اِنت۔ مزن وزیر ءَ گوشت کہ ھدا ءِ فضل ءَ چہ سفارتی ءُ اقتصادی ٹیم ءِ کوشست آنی سبب ءَ ملک ءِ ضلورت ءِ واستہ جوانیں کساس ءَ خام تیل دست کپیت۔ وفاقی ءُ صوبائی حکومت یکجاہ کار کنگ ءَ انت کہ حکومت ءِ نیمگ ءَ چہ ٹھینگ بوتگیں نرخ ءَ چہ گیش کس ءَ چہ زرّ نہ زورگ بہ بیت۔ آئی ءَ دعا کت کہ جہانی تک ءَ جاور گہتر بہ بنت ءُ جہانی مارکیٹ ءَ پٹرولیم مصنوعات ءِ نہاد برجائی بہ بنت۔