صدر آصف علی زرداری نا رحیم یار خان اٹی نجی ادائیگی نا ہند آ پیش بروک آ شکست آ ڈکھیائی و است ہسونی نا درشان

اسلام آباد۔ 16 مارچ (اے پی پی) صدر مملکت آصف علی زرداری رحیم یار خان اٹی اسہ نجی ادائیگی نا ہند اسے آ پیش بروک آ است ہسون شکست آڈکھیائی و است ہسونی نا درشانی ءِ کرینے ۔ دا شکست نا سوب آن زوال کروک و ٹھپی مروک آتیٹی ایلو زالبول آتون اوار بینظیر انکم سپورٹ پروگرام نا حقدار زالبول آک ہم اوار ئسر۔دوشنبے نا دے آایوانِ صدر نا پریس ونگ آن جاری بیان اسے ٹی صدر مملکت آصف علی زرداری زوال کروک زالبول آتا خاہوت آتون ہڑزخواہی و ہمدردی نا درشانی ءِ کرسا ٹھپی تا زوت جان جوڑی کن دعا کرے۔صدر مملکت پارت کرے کہ ٹھپی مروک آتے ہر ممکن طبی آسراتی فراوان کننگے و زہمی خاہوت آتون ہر ممکن کمک کننگے۔ صدر مملکت چیئرپرسن بینظیر انکم سپورٹ پروگرام سینیٹر روبینہ خالد ءِ دمدستی وڑاٹ رحیم یار خان آ ہِننگ نا پارت کرے و تعلقدار کمامدار آتے واقعہ نا غٹ پلوآتا جاچ ءِ ہلسا رپورٹ پیش کننگ نا پارت کرے تانکہ بروک آ وخت اٹ دا وڑ نا واقعہ تیان بچنگ کن المی گام گیج آتے پک کننگ مرے۔