اسلام آباد۔ 16 مارچ (اے پی پی) پاک فوج انا اوغان طالبان و فتنہ الخوارج آتابرخلاف "آپریشن غضب اللحق” نا رِد اٹ فیصلہ ئی ورندی کارروائی تیٹی باجوڑ سیکٹر و کرم سیکٹر اٹی پاک افغان سیم اتون کیبی اوغان طالبان تا پوسٹ آتے پورو بھس کننگا، چندی خارجی تے جہنمی وخت اس کہ ایلوک نرار۔ سکیورٹی حوالی نا رِد اٹ پاک فوج پبی کارروائی کرسا باجوڑ سیکٹر اٹی پاک اوغان سیم اتون کیبی اوغان طالبان تا پوسٹ آتے پورو وڑاٹ بھس کرے، پاک فوج ،پاک اوغان سیم آ گائیڈڈ میزائل نا کمک اٹ ہم اوغان طالبان تا پوسٹ آتے شست کرے ۔سکیورٹی حوالی نا رِد اٹ کرم سیکٹر اٹی پاک فوج اوغان طالبان و فتنہ الخوارج آتا اہم ٹھکانہ غاتے شست کرے ، پاک فوج انا گچین کارروائی نا سوب آن اوغان طالبان و فتنہ الخوارج آتا چندی پوسٹ آک بھس مسُر، دا کارروائی تیٹی چندی خارجی جہنمی وخت اس کہ ایلوک نرار ۔سکیورٹی حوالی پارے کہ آپریشن غضب اللحق تینا ہدف آتا دوئی کننگ اسکان برجا سلک ۔