وانا ءِ اُرش ءِ بابت ءَ اوگان طالبان ءِ دعویٰ بے ننگ بوتگ

اسلام آباد۔15مارچ  (اے پی پی):وزارت ءِ ھال ءُ اھوال ءَ وانا ءَ سوبمندیں اُرش ءِ بابت ءَ اوگان طالبان ءِ وزارت دفاع ءِ دعویٰ ءِ پدر کنگ ءَ انت۔ یک شمبے ءِ روچ ءَ وزارت ءِ ھال ءُ اھوال ءُ شنگکاری ءِ نیمگ ءَ شنگ بوتگیں بیان ءِ تہ ءَ گْوشگ بوتگ کہ اوگانستان ءِ وزارت دفاع ءَ وانا ءَ سوبمندیں اُرش ءِ دعویٰ کتگ وھدے کہ راستی ایش اِنت کہ سافٹ کیل میزرز ءِ وسیلگ ءَ جنوبی وزیرستان ءَ یک ڈرون ءِ ھلاس کنگ بوتگ ءُ ھچ وڑیں فوجی تنصیب ءُ انفراسٹرکچر ءَ را تاوان نہ رستگ۔ بیان ءِ تہ ءَ گوشت کہ طالبان سرکار ءِ اے دعویٰ ایشانی ٹھینگ بوتگیں عمل ءِ درشان اِنت کہ ایشی ءِ چیر دستی ءَ آیاں پروپیگنڈا ءُ من گھڑتیں دعویٰ شنگ کتگ، چوش کہ انوگیں وھد ءَ پاکستان ایئر فورس ءِ بالی گراب ءِ ایر کنگ ءُ پائلٹ آنی دزگیر کنگ ءِ دروگیں دعویٰ بوتگ۔ پمیشکا اے وڑیں دعویٰانی سرا بھروسہ کنگ نہ بیت۔ راستی مدام دروگ ءِ سرا غالب بیت۔