سید یوسف رضا گیلانی ءَ گوں راجی اسمبلی ءِ باسک سید جاوید علی شاہ ءُ مہرین رزاق بھٹو ءَ گوں گند ءُ نند

اسلام آباد۔15مارچ  (اے پی پی):راجی اسمبلی ءِ باسک سید جاوید علی شاہ ءُ مہرین رزاق بھٹو ءَ سینیٹ ءِ چیئرمین سید یوسف رضا گیلانی ءَ گوں گند ءُ نند کت۔ گند ءُ نند ءِ تہا سندھ ءِ سرجمیں سیاسی جاور، راجی جیڈھ ءُ دیمروئی ءِ جیڈھانی سرا سرجمی ءَ گپ ءُ تران کنگ بوت۔ ادا جاڑی بوتگیں پریس ریلیز ءِ رد ءَ اے موہ ءِ سر ءَ پاکستان پیپلز پارٹی ءِ تنظیمی چست ءُ ایر، پبلک ریلیشنز کمپین ءُ پارٹی ءَ را گیش فعال جوڑ کنگ ءِ بابت ءَ ھم گپ ءُ تران بوتگ۔ سروک آں اے جزم ءِ درشان کت کہ پارٹی ءِ سروکی ءُ گچین بوتگیں نمائندگ راجی جیڈھ آنی گیواری ءُ جمہوری ارزشت آنی دیمروئی ءِ واستہ یکجائی کرد ءَ برجاہ دار اَنت۔ سینیٹ ءِ چیئرمین سید یوسف رضا گیلانی ءَ گوشت کہ پاکستان پیپلز پارٹی دائم ءَ سرکاری ھزمت، جمہوریت ءِ استحکام ءُ فیڈریشن ءِ مھکم کنگ ءِ واستہ کوشست کنت ۔ آئی ءَ اے گپ ءِ سر ءَ زور پر دات کہ توام گچین بوتگیں نمائندگ الس ءِ گہبود ءُ ملک ءِ دیمروئی ءِ واستہ وتی کوشستاں گیش ترند کن اَنت۔ گند ءُ نند ءَ ملک ءِ سرجمیں سیاسی جاور ءُ وت مہ وتی دلپوشی ءِ اے دگہ معاملہ آنی سر ءَ ھم گپ ءُ تران کنگ بوت۔