آپریشن غضب للحق ءِ وھد ءَ 684 فتنہ الخریج/افغان طالبان ءِ ناشرکار بیران بوتگ انت، 912 ءَ چہ گیش ٹپیگ بوتگ انت، آپریشن ”غضب للحق“ ءِ بابت ءَ وفاقی وزیر ءِ زانتکاری عطا اللہ تارڑ ءِ ایکس پوسٹ

اسلام آباد۔15مارچ  (اے پی پی):آپریشن غضب للحق ءِ وھد ءَ 15 مارچ 2026 ءَ شپ ءِ چار بج ءَ تاں 684 فتنہ الخریج/افغان طالبان ءِ ناشرکار بیران ءُ 912 ءَ چہ گیش ٹپیگ بوتگ اَنت۔ آپریشن غضب للحق ءِ وھد ءَ اوگان طالبان ءِ 252 پوسٹ تباہ کنگ بوتگ اَنت ءُ 44 پوسٹ گپتگ ءُ تباہ کنگ بوتگ اَنت۔ ھمے رنگ ءَ 229 ٹینک، بکتر بند ءُ توپ خیر کنگ بوتگ اَنت۔ اوگانستان ءِ تہ ءَ ناشرکار آنی 73 جاہ ءُ آھانی کمکی بنیاتی ڈھانچہ ءِ سر ءَ بالی اُرش آنی تہ ءَ جوانیں رنگ ءَ نشانگ جوڑ کنگ بوتگ۔ ءُ 15 مارچ ءِ نیام ءَ شپ ءَ پاکستانی سلاہ بندیں اُرد ءَ اوگان طالبان ءُ فتنہ الخوارج ءِ ناشرکارانی پناہ گاہ ءَ ھوار فوجی تنصیبات نشانگ جوڑ کتگ اَنت۔ اے کارروائیانی تہ ءَ قندھار ءَ ٹیکنیکل سپورٹ سینٹر ءُ سلاہ ءُ سامانانی ایر کنگ ءِ جاھ ھم ھلاس کنگ بوتگ کہ اوگان طالبان ءُ ناشرکار پاکستان ءِ بے گناھیں شھر ءِ ھلاپ ءَ کارمرد کنگ ءَ اِت اَنت۔ قندھار ءَ یک سرنگے ھم ھلاس کنگ بوتگ کہ افغان طالبان ءُ فتنہ الخوارج ءَ تکنیکی سامان ءُ سامانانی زِر ءَ ایر کنگ ءِ ھاترا کارمرز کتگ۔ ھمے رنگ ءَ چترال سیکٹر ءَ زمینی اُرداں اوگانستان ءِ بادینی پوسٹ ءَ جوڑ بوتگیں ناشرکارانی لانچ پوائنٹ ھم ھلاس کتگ۔ شنگ بوتگیں ویڈیو ءَ چہ اے گپ پدر اِنت کہ پاکستان ءَ گوں سکیں زانتکاری ءَ ایوک ءَ ھما تنصیبات ءُ ناشرکاری کیمپ نشانگ جوڑ کتگ اَنت کہ آ اوگان سرزمین ءَ چہ ناشرکاری ءَ را براہ راست یا بالواسطہ کمک کنگ ءَ اِت اَنت۔ ہچ وڑیں شہری آبادی یا شہری بنیاتی ڈھانچہ نشانگ جوڑ کنگ نہ بوتگ انت، چو کہ اوگانستان ءِ عبوری حکومت ءُ رسانکدر ءِ لھتیں کارندہانی نیمگ ءَ دروگیں تبلیغ کنگ بوھگ ءَ انت۔