وفاقی وزیر اورنگزیب خان کھچی ءَ نیشنل پریس کلب ءِ نوک گچین بوتگیں کارندہ آناں مبارک بات داتگ

اسلام آباد۔15مارچ  (اے پی پی):راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ نیشنل پریس کلب اسلام آباد ءِ نوکیں گچین بوتگیں کارندہ آناں مبارک بات داتگ ءُ امیت ءِ درشان کتگ کہ نوکیں سروکی صحافی کمیونٹی ءِ وشھالی ءُ پیشہ وارانہ معیار ءِ دیمروئی ءِ تہ ءَ سرگرمیں کرد پیلو کنت۔ آئی ءَ نیشنل پریس کلب ءِ نوک گچین بوتگیں صدر عبدالرزاق سیال، سینئر نائب صدر احتشام الحق، نائب صدور سحرش قریشی، عثمان خان اور بشیر چوہدری، سیکرٹری فرقان راؤ ءُ ایندگر کابینہ ءِ باسک عابد عباسی، شیراز گردیزی، عون شیرازی، جاوید بھاگٹ   ءُ  شکیلہ جلیل  ءَ را مبارک بات دات۔ یک شمبے ءِ روچ ءَ جاڑی بوتگیں وتی مبارکی کلوہ ءِ تہ ءَ وفاقی وزیر اورنگزیب خان کھچی ءَ گوشت کہ نیشنل پریس کلب اھوالکار آنی نمائندہ توار اِنت ءُ اے ادارگ پیشہ وارانہ قدر آنی دیمروئی ءُ اھوالکار آنی ھک آنی رکھینگ ءِ تہ ءَ ھاسیں کرد پیلو کنگ ءَ اِنت۔ آئی ءَ امیت سہرا کت کہ نیشنل پریس کلب ءِ نوکیں سروکی اھوالکار آنی گہتری، آھانی جیڈھ آناں گیواری ءُ آزات، ذمہ وار ءُ کوالٹی اھوالکاری ءِ دیمروئی ءِ واستہ جوانیں گامگیج چست کنت۔ آئی ءَ نوکیں گچین بوتگیں اگدہ دار آنی واستہ نیکیں واھگ آنی درشان کت ءُ آوانی کامیابی ءِ واستہ دعا ھم کت۔