پاکستان ءَ اسلام فوبیا ءِ ھلاپ ءَ جنگ ءِ ھاترا جھان ءِ کوشست آناں دیم ءَ برگ ءِ جزم کتگ، اسحاق ڈار

اسلام آباد۔15مارچ  (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ گوشت کہ پاکستان اسلاموفوبیا ءِ ھلاپ ءَ جنگ ءِ واستہ جھان ءِ کوشست آناں دیم ءَ برگ ءِ واستہ جزم انت۔ اسلاموفوبیا ءِ ھلاپ ءَ میاں اوستمانی روچ ءِ موہ ءَ ما سرجمیں دگنیا ءِ مسلمانانی گوما یکوئی ءِ درشان کن ایں ءُ مسلمانانی ھلاپ ءَ تعصب، تبعیض، دژمنی ءُ زوراکی ءِ ھلاسی ءِ ھاترا وتی بے مٹیں عزم ءِ پدر کنگ ءَ ایں ۔ اسلاموفوبیا ءِ ھلاپ ءَ میاں اوستمانی روچ ءِ موہ ءَ دری کارانی کارگس ءِ نیمگ ءَ چہ جاڑی بوتگیں وتی کلوہ ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ آرگنائزیشن آف اسلامی کمک ءِ وسیلگ ءَ پاکستان ءَ اقوام متحدہ ءِ میاں اوستمانی روچ ءِ جار جنگ ءِ راجدپتری پیسلہ ءِ تہ ءَ مزنیں کردے پیلو کتگ۔ اسلاموفوبیا ءِ سرا نبشتہ کنت۔ اے گامگیج مذہب، دود ءُ ربیدگ ءُ تہذیب آنی نیام ءَ ھمگرنچی، رواداری ءُ امن ءُ ایمنی ءِ دیمروئی ءِ ھاترا میاں اوستمانی براتی ءِ کوشست آنی تہ ءَ یک مزنیں سنگ میل ءِ رنگ ءَ ثابت بوت۔ آئی ءَ گوشت کہ اسلاموفوبیا ءِ ھلاپ ءَ جہانی کوشست آناں مھکم کنگ ءِ مول ءُ مراد ءَ اقوام متحدہ ءِ جنرل اسمبلی ءِ دگہ یک قرارداد ءِ منظوری ءَ پاکستان ءَ ھم مزنیں کرد پیلو کتگ ایشی ءِ تہ ءَ اقوام متحدہ ءِ ھاسیں نمائندہ ءِ گچین کنگ ءِ لوٹ ھم ھوار اِنت۔ اے درگت ءَ ما مئی 2025 ءَ اسلاموفوبیا ءِ ھلاپ ءَ اقوام متحدہ ءِ ھاسیں نمائندہ ءِ گچین کنگ ءَ را وش آتک کن ایں ءُ ھمے رنگ ءَ مئی 2024 ءَ اسلام فوبیا ءِ ھلاپ ءَ او آئی سی ءِ سیکرٹری جنرل ءِ ھاسیں نمائندہ ءِ گچین کنگ ءَ را وش آتک کن ایں کہ اے چیلنج ءَ را یک ھمگرنچیں رنگ ءَ گیش ءُ گیوار کنگ ءِ ھاترا جھان ءِ تہ ءَ گیش بوھوکیں عزم ءِ درشان اِنت۔ محمد اسحاق ڈار ءَ گوشت کہ گوستگیں سال آنی تہ ءَ دگنیا ءِ جتا جتائیں دمگ آنی تہ ءَ اسلاموفوبیا ءِ تہ ءَ یک ھرابیں گیشی یے دیم ءَ اتکگ کہ ایشی ءِ تہ ءَ سکیں غمناکیں وئیل آنی رنگ ءَ دیم ءَ اتکگ، ایشی ءِ تہ ءَ قرآن مجید ءِ بے حرمتی، حجاب پوشیں جنین آدم آنی سر ءَ اُرش، مسیت آنی تہ ءَ ھرابکاری، مذھبی شناخت ءُ رسانکدر ءِ تہ ءَ مسلمان آنی ھلاپ ءَ نفرت ءُ نارا ءِ سر ءَ پدریں درشان کنگ ھوار اِنت۔ اسلاموفوبیا ءِ سبب ءَ استیں کش ءُ گور ءُ جنجال گیش ءُ گیوار بنت ءُ یک منفی چکر ءِ جوڑ بنت کہ آ جھان ءِ امن ءُ ایمنی ءَ را ھترہ ءِ آماچ کنت۔ آئی ءَ گوشت کہ پاکستان اسلاموفوبیا ءِ گر ءُ دار ءِ واستہ جھان ءِ کوشست آناں دیم ءَ برگ ءِ واستہ جزمیگ انت۔ اے درگت ءَ ما او آئی سی ءِ باسکیں ملک ءُ اقوام متحدہ ءِ اسلاموفوبیا ءِ ھلاپ ءَ ھاسیں نمائندہ ءِ گوما کار کنگ ءَ ایں کہ اقوام متحدہ ءِ کارروائی منصوبگ ءِ جوڑ کنگ بہ بیت کہ ایشی ءَ چہ اے جیڈھ ءِ شریں رنگ ءَ سرپد بوھگ، دیم ءَ دارگ ءُ ھلاس کنگ ءِ ھاترا یک منظمیں رھبندے ءِ دیم ءَ آرگ بہ بیت۔ میاں اوستمانی براتی ءَ را اسلاموفوبیا ءِ مذمت کنگ ءِ ھاترا یکجاہ بوھگی اِنت ءُ ھما ڈھانچہ ءِ سبباں ھم دیم ءَ آرگ لوٹ ایت کہ ایشی ءِ دیمروئی ءَ کمک کن اَنت۔ پاکستان ءَ چہ درستیں ملک آناں لوٹ کتگ کہ آ چاگرد آنی نیام ءَ وت مہ وتی احترام، گپ ءُ تران ءُ درک ءُ پجار ءِ دیمروئی ءِ واستہ برجاھیں گامگیج بہ زور اَنت ءُ رواداری، شرپ ءُ امن ءُ ایمنی ءِ قدر آناں برجائی بہ کن اَنت۔