بلوچستان ءِ سر وزیر سرفراز بگٹی ءَ سرجمیں دگنیا ءَ گیش بوھوکیں اسلاموفوبیا ءِ رجحان جھان ءِ امن ءُ ایمنی ءِ ھاتر ءَ جیڑہ ءِ سوب انت

کوئٹہ۔ 15 مارچ (اے پی پی):بلوچستان ءِ سر وزیر میر سرفراز بگٹی ءَ گوشت کہ سرجمیں دگنیا ءَ گیش بوھوکیں اسلاموفوبیا ءِ رجحان جھان ءِ امن ءُ ایمنی ءِ واستہ جیڈھ ءِ سوب انت۔ اسلام انسانیت ءِ امن ءُ ایمنی ءُ وشحالی ءِ دین اِنت، دنیا ءَ آئی ءِ راستیں پیغام ءَ سرپد بوھگ لوٹیت۔ یک شمبے ءِ روچ ءَ بلوچستان ءِ سر وزیر میر سرفراز بگٹی ءَ اسلاموفوبیا ءِ گر ءُ دار ءِ میاں اوستمانی روچ ءِ درگت ءَ وتی ھاسیں کلوہ ءِ تہ ءَ گوشت کہ مسلمان آنی ھلاپ ءَ نفرت ءِ مہم آنی گر ءُ دار ءِ واستہ میاں اوستمانی براتی ءَ را یکجائی ءُ موثریں گامگیج زورگ لوٹ ایت۔ میر سرفراز بگٹی ءَ گوشت کہ اقوام متحدہ ءِ نیمگ ءَ اسلاموفوبیا ءِ گر ءُ دار ءِ میاں اوستمانی روچ ءِ جار جنگ مسلم امت ءِ مزنیں سفارتی سوبمندی انت۔ اسلام ءَ گوں انتہا پسندی ءَ ہمگرنچ کنگ ءِ جہد یک منظمیں سازشے کہ ایشی ءِ زبردستی مخالفت کنگ بیت۔ بلوچستان ءِ سر وزیر میر سرفراز بگٹی ءَ گوشت کہ بلوچستان بین المذاہب ھمگرنچی، رواداری ءُ براتی ءِ یک درپشناکیں مثال انت۔ آئی ءَ گوشت کہ ما ھمک مذھب ءِ منوگر آنی ھک ءُ آھانی مذھبی عمل آنی احترام ءِ سر ءَ ایمان داریں ءُ چیئرمین بلاول بھٹو زرداری ءَ میاں اوستمانی دیوان آنی تہ ءَ اسلام ءِ راستیں ءُ پرامن پجار ءِ سر ءَ جوانیں رنگ ءَ پدر کتگ۔ بلوچستان ءِ سر وزیر میر سرفراز بگٹی ءَ گوشت کہ مغرب ءِ تہ ءَ آزاتی ءِ آب ءِ آڑ ءَ مسلمان آنی جذبات آناں ٹپّی کنگ ءِ سلسلہ بند کنگ بہ بیت ءُ اسلاموفوبیا ءِ ھلاسی ءِ واستہ جھان ءِ تک ءَ گپ ءُ تران، وانگ ءُ زانگ ءُ سرپدی ءِ ضلورت اِنت۔ بلوچستان ءِ سر وزیر ءَ گوشت کہ امن ءُ ایمنی ءِ گلوبل سوسائٹی ءِ جوڑ کنگ ایوک ءَ کینگ ءُ تعصب ءِ دیوال آناں پروش کئیت۔ اسلاموفوبیا ءِ ھلاسی ءِ ھاترا میاں اوستمانی براتی ءَ را موثر کانود ءُ عملی گامگیج زورگ لوٹ ایت۔ بلوچستان ءِ سر وزیر میر سرفراز بگٹی ءَ گشتگ کہ مسلمانانی سرا تعصب ءُ پرت گیری انسانی حقانی بے دروریں لگتمالی انت۔ بیا اِت کہ ما درست مرچی وتی دوستیں وطن ءَ چہ انتہا پسندی ءَ رد کنگ ءُ رواداری، اعتدال پسندی ءُ یکے دومی ءِ احترام ءَ را دیم ءَ برگ ءِ وعدہ ءَ بہ کنیں۔