وفاقی وزیر داخلہ محسن نقوی ءُ ایم کیو ایم پاکستان ءِ چیئرمین ڈاکٹر خالد مقبول صدیقی ءَ صدر آصف علی زرداری ءَ گوں گند ءُ نند

کراچی ۔15مارچ  (اے پی پی):وفاقی تہی کارانی وزیر محسن نقوی ءُ ایم کیو ایم پاکستان ءِ چیئرمین ڈاکٹر خالد مقبول صدیقی ءَ صدر آصف علی زرداری ءَ گوں گند ءُ نند کت۔ یک شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ دیوان ءَ ملک ءِ سرجمیں اندری ایمنی ءِ جاور ھال ءُ امن ءُ ایمنی ءِ ھوالگ ءَ جیڈھ آنی سر ءَ ھیال ریچی کنگ بوتگ۔ گند ءُ نند ءَ خطہ ءِ بدل بوؤکیں جاور ءُ ایشی ءِ پاکستان ءِ سرا ممکنہ اثرات ءِ سرا ہم چار ءُ تپاسی کنگ بوتگ ءُ ملک ءَ امن ءُ ایمنی ءُ قانون ءِ حکمرانی ءِ دیمروئی ءِ ھاتر ءَ یکجائی کوشست ءِ ضلورت ءِ سرا زور داتگ۔ صدر آصف علی زرداری ءَ اندری ایمنی ءِ مھکم کنگ ءُ الس ءِ ایمنی ءَ را دل یکیمی کنگ ءِ سر ءَ زور پر دات۔ گند ءُ نند ءَ راجی یکوئی ءِ ارزشت، سیاسی ھمگرنچی ءُ جمہوری عمل ءِ برجائی ءِ سر ءَ ھم گپ ءُ تران کنگ بوت۔