اسلاموفوبیا ءِ ھلاسی ءِ میاں اوستمانی روچ ءِ درگت ءَ مزن وزیر محمد شہباز شریف ءِ کلوہ

اسلام آباد۔14مارچ  (اے پی پی):مزن وزیر محمد شہباز شریف ءَ دگنیا ءِ راج آنی نیام ءَ مذہبی رواداری ءُ مسلمان آنی واستہ ایمنی ءِ مارشت  ءِ واستہ وتی کوشست آناں برجاہ دارگ ءِ جزم ءِ درشان کنان ءَ گوشت کہ مہذبیں چاگرد انسانی ھک آنی تہ ءَ فرق نہ کن اَنت بلکیں یکے دومی ءِ سر ءَ احترام ءِ بنیاد ءَ بنت۔ مزن وزیر ءَ اسلاموفوبیا ءِ ھلاسی ءِ میاں اوستمانی روچ ءِ موہ ءَ وتی کلوہ ءِ تہ ءَ گوشت کہ مرچی اسلاموفوبیا ءِ ھلاسی ءِ میاں اوستمانی روچ اِنت، اسلام ءُ مسلمان آنی مذھب ءِ ھلاپ ءَ تعصب ءِ مذمت ءِ تہ ءَ جھان ءِ توار اِنت۔ اقوام متحدہ ءِ جنرل اسمبلی ءِ اسلاموفوبیا ءِ ھلاسی ءِ قرارداد ءَ سرجمیں دگنیا ءَ مسلمانانی ھلاپ ءَ تبعیض ءُ نفرت انگیزیں رھبند ءِ سرا جھان ءِ تک ءَ دلپروش کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ چاگردی نا رواداری بنیاتی مذھبی آجوئی ءُ وت مہ وتی یکوئی ءُ رواداری ءِ ارزشت آناں نزور کنگ ءِ سبب انت۔ مرچی یک جھان ءِ مارشت ے کہ مسلماناں مذہبی تعصب ءُ زوراکی ءِ واقعہانی ھلاپ ءَ رکھینگ ءِ ھاترا دیم ءَ آرگ بیت۔ مزن وزیر ءَ گوشت کہ مہذبیں چاگرد عقیدہ ءِ بنیاد ءَ انسانی ھک آنی تہ ءَ تپاوت نہ کنت بلکینگ ءَ وت مہ وتی شرپ ءُ شرپ ءُ قربانی ءِ بنیاد ءَ انت۔ آئی ءَ گوشت کہ پاکستان ھمک رنگ ءِ اسلاموفوبیا ءَ را ایر جنت۔ اسلامی تعلیمات ءِ رد ءَ ءُ میان استمانی قانود ءِ چماں درستیں انسان یک پیمیں حق ءِ واھند اَنت۔ اسلام ءِ دین پہ سرجمیں بنی آدم ءَ امن ءُ ایمنی ءِ پیغام اِنت۔ اسلام ءَ انتہا پسندیں لیکہانی سرا منسوب کنگ بے دروریں جہالت اِنت۔ مزن وزیر ءَ گوشت کہ پاکستان ءَ مدام توامیں میاں اوستمانی دیوان آنی تہ ءَ اسلاموفوبیا ءِ ھلاپ ءَ زمہ واریں رنگ ءَ توار چست کتگ۔ ءُ پاکستان دنیا ءِ راجانی نیام ءَ مذہبی رواداری ءُ مسلمانانی ایمنی ءِ مارشت  ءِ ھاترا وتی جہد ءَ برجاہ دار ایت۔