پاکستانی اُرد ءَ سافٹ ءُ ہارڈ کل ٹیکنالوجی ءِ کمک ءَ اوگان طالبان ءِ ڈرون بال  ءَ تباہ کتگ، آئی ایس پی آر

راولپنڈی۔14مارچ  (اے پی پی):انٹر سروسز پبلک ریلیشنز ءَ گشتگ کہ اوگان طالبان ءَ 13 مارچ 2026 ءَ پاکستان ءِ بہادریں مہلوک ءَ را پریشان کنگ ءِ ھاتر ءَ دیمروئی نہ کتگیں (بنیادی) ڈرون اُرش کتگ۔ اے ڈرون سافٹ ءُ ہارڈ کیل ٹیکنالوجی ءِ کمک ءَ چہ رکّینگ ءُ ھلاس کنگ بوتگ اَنت ءُ وتی لوٹ ءُ گزر ءِ ٹارگٹ ءَ سر بوھگ ءِ اجازت نہ داتگ۔ بلے اے ڈرونانی مُبرانی سبب ءَ کوئٹہ ءَ دو زھگ ءُ کوہٹ ءُ راولپنڈی ءَ یک یک شہری ٹپیگ بوتگ ۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں پریس ریلیز ءِ رد ءَ اے اُرشانی مول ءُ مراد الس ءِ تہ ءَ ترس ءُ بیم ءِ پیداک کنگ بوتگ کہ ایشی ءَ چہ مارا اوگان طالبان ءِ ناشرکاریں ذھنیت یات کیت ءُ اے اوگان طالبان ءِ میراث اِنت۔ آئی ایس پی آر ءَ گْوشتگ کہ یک نیمگے اوگان طالبان پہ میان اُستمانی ھمدردی ءِ ھاترا وت ءَ مظلوم ءِ رنگ ءَ پیش دار اَنت ءُ دومی نیمگ ءَ وتی ناشرکاریں پراکسی ءُ ڈرون ءِ وسیلگ ءَ شہری مردماں نشانگ جوڑ کن اَنت۔ آئی ایس پی آر ءَ اے گپ پدر کتگ کہ پاکستان ءِ الس ءُ سلاہ بندیں اُرد اوگانستان ءِ سر ءَ ھاکمیں ناشرکاریں ملیشیا ءِ راستیں دروشم ءُ نیتاں شری ءَ سرپد اَنت۔ آئی ایس پی آر ءِ رد ءَ پاکستان ءِ آپریشن ”غداب الحق“ داں ناشرکاری ءِ سرجمیں ھلاسی ءَ برجاہ بیت ءُ آپریشن داں ھما وھد ءَ برجاہ بیت کہ اوگان طالبان پاکستان ءِ ھلاپ ءَ ناشرکاری ءَ بند بہ کنت۔ آئی ایس پی آر ءَ اے گپ پدر کتگ کہ پاکستان ءِ سلاہ بندیں اُرد ھرچ وڑیں ناشرکاری ءُ آئی ءِ درشان ءِ ھلاپ ءَ جنگ ءَ مھکم اَنت ایشانی تہ ءَ اوگان طالبان ءِ ڈرون اُرش ھم ھوار اَنت۔ ما ناشرکار ءُ آھانی آسراتی دیوک آنی ھلاپ ءَ پاکستان ءِ اُلس ءِ رکھینگ ءَ برجاہ دار ایں ءُ اوگان طالبان ءِ نیمگ ءَ اے وڑیں آشوب ءِ دیم ءَ جھکگ نہ کن ایں ۔