راجی اسمبلی ءِ اسپیکر سردار ایاز صادق ءَ نیشنل پریس کلب ءِ نوکیں گچین بوتگیں سروکی ءَ را مبارک بات

اسلام آباد۔14مارچ  (اے پی پی):راجی اسمبلی ءِ اسپیکر سردار ایاز صادق ءَ نیشنل پریس کلب ءِ نوکیں گچین بوتگیں سروکی ءَ را مبارک بات داتگ۔ میڈیا کارگس ءِ نیمگ ءَ جاڑی بوتگیں بیان ءِ رد ءَ صدر ءَ گوشت کہ من ڈیموکریٹک پینل ءِ صدر عبدالرزاق سیال، سیکرٹری فرقان راؤ ءُ ایندگر کامیابیں اُمیت وار آناں دل ءِ جہلانکی ءَ گوں مبارک بات آں ۔ اسپیکر راجی اسمبلی ءَ گوشت کہ نیشنل پریس کلب ملک ءِ تہ ءَ آجوئی ءِ درشان ءُ آجوئیں اھوالکاری ءِ یک مھکمیں کوہ اِنت، ءُ امیت اِنت کہ نوکیں سروکی اھوالکار آناں دیم ءَ اتکگیں چیلنج آناں دلیری ءُ جزم ءِ گوما دیم پہ دیم کنت۔ آئی ءَ گوشت کہ حکومت اھوالکار کمیونٹی ءِ جائزیں ھک ءُ موقف ءِ حمایت ءَ برجاہ دار ایت، راجی دیمروئی ءُ وشھالی ءِ واستہ آزات ءُ ذمہ واریں اھوالکاری ءِ دیمروئی المی اِنت۔ اسپیکر راجی اسمبلی ءَ گوشت کہ پارلیمنٹ پریس ءِ آجوئی ءِ واستہ مدام صحافی کمیونٹی ءِ گوما اوشتات کنت، ءُ پارلیمنٹ ءَ صحافی آنی ھک، رکھینگ ءُ ایمنی ءِ واستہ یک رند ءَ کانود ھم جوڑ کتگ۔ آئی ءَ گوشت کہ حکومت ءَ را رسانکدر ءِ آجوئی ءِ سر ءَ سرجمیں رنگ ءَ باور اِنت ءُ اُمیت اِنت کہ نوک گچین بوتگیں سروکی اھوالکاری چاگرد ءِ بھروسہ ءِ سر ءَ عمل کنت۔