وزارت اطلاعات افغان طالبان ءِ حکومت ءِ دروگاں پدر کنت… پاکستانی پوسٹانی قبضہ ءِ دعویٰ ءُ تاوان ءِ بابت ءَ افغان طالبان ءِ حکومت ءِ نیمگ ءَ پیش کنگ بوتگیں اعداد و شمار ءِ تہا ہچ وڑیں راستی نیست، وزارت اطلاعات ءُ نشریات

اسلام آباد۔14مارچ  (اے پی پی):اوگان طالبان ءِ رژیم ءِ نام نہاد وزارت دفاع ءِ بے بنیں دروگ ءُ پروپیگنڈا یک رندے پدا پدر کنگ بوتگ انت۔ پاکستانی پوسٹانی قبضہ ءُ تاوان ءِ دعویٰ ءِ بابت ءَ اوگان طالبان ءِ رژیم ءِ نیمگ ءَ پیش کنگ بوتگیں اعداد و شمار ءِ تہا ہچ وڑیں راستی نیست۔ اے دروگیں کسہ اَنت کہ پہ اوگان راج ءَ بے ھیال کنگ ءَ جوڑ کنگ بوتگ اَنت کہ آ پیسر ءَ چہ اوگان طالبان ءِ رژیم ءِ سوب ءَ زھر ءُ زھم ءِ آماچ اِنت کہ آ ناشرکارانی کمک ءَ کنگ ءَ اِنت۔ شمبے ءِ روچ ءَ وزارت ءِ اطلاعات ءُ نشریات ءِ نیمگ ءَ چہ شنگ بوتگیں بیان ءَ گشگ بوتگ کہ وزارت اطلاعات افغان طالبان ءُ آہانی پراکسی فتنہ الخوارج ءِ سرا بوتگیں تاوان ءِ بابت ءَ وھد ءُ پاس ءِ سر ءَ ءُ باقاعدہ ھال ءُ اھوال ءِ ھمراھی ءَ عکس ءُ ویڈیو ءِ ھمراھی ءَ ھما جاہ ءَ کہ المی اِنت رسانکدر ءَ را دیم ءَ آرگ ءَ اِنت ءُ افسانہ ءِ وڑیں پروپیگنڈا کنگ ءَ نہ اِنت۔ بیان ئِ تہ ئَ گیش گوشت کہ اوگانستان ئِ تہ ئَ ناشرکاری ئِ پناہ گاہ آناں نشانگ جوڑ کنگ ئِ ھوالگ ئَ معتبریں ھال وھد ئِ سر ئَ رسانکدر ئَ را پجاری کنگ بوھگ ئَ اِنت۔ اوگان طالبان ءِ رژیم ءِ نیمگ ءَ چہ بار باریں دروگیں دعویٰ یک دیوانگ ءِ واب اِنت کہ ایوک ءَ اوگان طالبان ءِ رژیم ءُ ھندی سوشل میڈیا اکاؤنٹانی سر ءَ ھست اِنت ءُ گوں راستی ءَ ھچ سیادی نہ دار اِیت۔