صدر آصف علی زرداری ءَ پاکستان ءِ شہری دمگاں نشانگ جوڑ کنگ ءِ ھرچ وڑیں کوشست ھچبر برداشت کنگ نہ بیت

اسلام آباد۔14مارچ  (اے پی پی):صدر آصف علی زرداری ءَ شگائی لکّی مروت ءَ فتنہ الخوارج ءِ حلاف ءَ سوبمندیں آپریشن ءِ ھاتر ءَ سی ٹی ڈی ءِ افسر ءُ کارندہ آناں شگر ءُ منت گپت ءُ گوشت کہ فتنہ الخوارج ءِ ناشرکار آنی حلاف ءَ درائیں کمک ءِ گوما آپریشن ملک ءِ ایمنی ءِ واستہ سک باز المی انت۔ شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ آپریشن ءِ تہ ءَ 6 درملکی ناشرکار آنی کوش ءِ تہ ءَ سی ٹی ڈی ٹیم ءِ جرات، مہارت ءُ وھد ءِ سر ءَ کارروائی ءِ توسیپ کتگ ءُ گوشت کہ پاکستان ءِ شہری دمگ آناں نشانگ جوڑ کنگ ءِ ھرچ وڑیں کوشست ءَ را کدی برداشت کنگ نہ بیت۔ آئی ءَ گوشت کہ ریاست پاکستان ءَ را سیم سر ءِ تہ ءَ بہ بیت یا ڈن ءَ ناشرکاری ءِ ھوپ آناں سرجمیں زور ءَ گوں گر ءُ دار کنگ ءَ اِنت۔ صدر آصف علی زرداری ءَ گوشت کہ پاکستان ءِ سلاہ بندیں اُرد ءُ سیکورٹی ادارگ ملک ءِ دفاع ءُ الس ءِ رکھینگ ءِ واستہ سرجمیں رنگ ءَ تیار ءُ جزم اَنت ۔ آئی ءَ گوشت کہ پاکستان وتی سرزمین ءُ الس ءَ را ناشرکاری ءِ ھلاپ ءَ رکھینگ ءِ واستہ ھمک رنگ ءِ گامگیج ءَ برجاہ دار ایت۔