مزن وزیر ءِ سروکی ءَ دیوان ءَ اے پیسلہ حکومتی بچت ءِ گامگیج آنی تہ ءَ چہ دست کپتگیں زرّ السی کمک ءِ واستہ کارمرد کنگ بنت

اسلام آباد۔14مارچ  (اے پی پی):مزن وزیر محمد شہباز شریف ءِ سروکی ءَ دیوان ءَ پیسلہ کنگ بوتگ کہ سرکاری بچت ءِ گامگیجاں چہ دست کپتگیں زرّ السی ریلیف ءِ واستہ کارمرد کنگ بنت۔ سرکاری کمک ءِ سر ءَ ھرچ کنگ ءِ ھاتر ءَ سرکاری سرپرستی ءَ سرکاری ادارگ ءُ وت واجہیں ادارگ آنی کارمند آنی پگار سرکاری کارندہ آنی وڑ ءَ 5 ءَ چہ 30 درسد ءَ چہ کشگ بیت۔ چار روچی ہفتگی کار ءِ سرا قانون نافذ کنوکیں ادارہ ءُ ایف بی آر ءِ سرا عمل نہ بیت۔ آ وتی کوھنیں کارروائی ءِ رد ءَ وتی کاراں پیلو کن اَنت وھدیکہ مزن وزیر ءَ سرجمیں دگنیا ءِ پاکستانی سفارت خانہ آناں ہدایت کتگ کہ آ 23مارچ ءَ را سک باز سادگی ءَ گوں برجم بہ دار اَنت۔ سرکاری افسر، وزیر، وزیر مملکت ءُ ھاسیں کمکار آنی درملکی تر ءُ تاب آنی سر ءَ سرجمیں بندش مانیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پٹرولیم ءِ چیز آنی نرخ آنی سر ءَ اثر ءُ حکومت ءِ اے جائزہ ءِ دیوان کفایت شعاری ءِ گامگیج آنی سر ءَ عمل درآمد ءِ سر ءَ برجم دارگ بوتگ۔ گند ءُ نند ءَ وفاقی وزیر عطا اللہ ترار، محمد اورنگزیب، علی پرویز ملک، وزیر ءِ مملکت بلال اظہر کیانی، چیئرمین ایف بی آر ءُ ہمگرنچیں مزنیں کارندہ آں بہر زرتگ۔ گند ءُ نند ءَ پٹرولیم مصنوعات ءِ نہاد آنی برجائی ءِ واستہ پالیسی گامگیج ءُ حکومت ءِ نیمگ ءَ کفایت شعاری ءِ گامگیج آنی سر ءَ عمل درآمد ءِ پیشرفت ءُ اثر آنی سر ءَ ھیال ریچی کنگ بوت۔ دیوان ءَ گوشگ بوت کہ حکومتی چیدگی ءِ گامگیج آں چہ پیداکیں مڈی استیں جاور ھال ءَ السی ریلیف ءِ واستہ کارمرد کنگ بنت۔ کلیں کفایت شعاری ءِ گامگیجاں چہ بوتگیں بچت ایوک ءَ لس کمک ءِ واستہ کارمرز کنگ بیت۔ دیوان ءَ اے پیسلہ کنگ بوت کہ سرکاری ملازم آنی وڑ ءَ سرکاری سرپرستی ءَ سرکاری ادارگ ءُ وت واجہیں ادارگ آنی ملازم آنی پگار آنی تہ ءَ ھم 5 ءَ چہ 30درسد کمی کنگ بیت کہ ایشی ءَ چہ لس کمک ءِ واستہ کارمرد کنگ بیت۔ دیوان ءَ اے ھم پیسلہ کنگ بوتگ کہ کارپوریشن ءُ ایندگہ ادارگ کہ آھانی بورڈ ءَ سرکاری نمائندہ ھست انت آ سرکاری نمائندہ آناں بورڈ ءَ بھر زوری ءِ واستہ فیس نہ زور اَنت ءُ اے فیس بچت ءِ زرّ ءِ تہ ءَ ھوار کنگ بیت۔ مزن وزیر ءَ سرجمیں دگنیا ءِ توامیں پاکستانی سفارتخانہ آناں ہدایت کت کہ آ 23مارچ ءِ مراگش ءَ را سک باز سادگی ءِ گوما بہ کن اَنت۔ دیوان ءَ پیسلہ کنگ بوتگ کہ چار روچی ہفتگ کانود نافذ کنوکیں ادارگ ءُ ایف بی آر ءِ سرا کار نہ بیت بلے آ وتی کوہنیں طریقہ کار ءِ رد ءَ وتی فرض ءَ پیلو کن انت۔ آیوکیں دو ماہ ءِ تہ ءَ سرجمیں محکمہ آنی سرکاری گاڑی آناں رستگیں ایندھن ءِ 50درسد ءِ کمی ءُ سرکاری گاڑی آنی 60درسد گراؤنڈ کنگ ءِ پیسلہ ءِ ھوالگ ءَ تھرڈ پارٹی آڈٹ کنگ بیت۔ دیوان ءَ حکومت ءِ نیمگ ءَ نوکیں گاڑی آنی گرگ ءِ سر ءَ سرجمیں پابندی ءُ ایندگر سرجمیں سرکاری گرگ ءِ سر ءَ بندش ءِ سر ءَ ھم سرپدی دیگ بوت۔ دیوان ءَ گوشگ بوت کہ آیوکیں دو ماہ ءِ واستہ کابینہ ءِ باسک، وزیر، مشیر ءُ ھاسیں کمکار آنی پگار ھم الس ءِ گہبودی ءِ واستہ بچت ءِ رنگ ءَ کارمرد کنگ بیت۔ دیوان ءَ وزیر، شور ءُ سلاہ ءُ ھاسیں کمکار آنی درملکی تر ءُ تاب ءِ سر ءَ سرجمیں بندش ءِ سر ءَ عمل کنگ ءُ ٹیلی کانفرنسنگ ءُ آن لائن میٹنگ آناں اولیت دیگ ءِ پیسلہ ءِ ھوالگ ءَ ھم سرپد کنگ بوت۔ مزن وزیر ءَ گوشت کہ سرکاری افسر، وزیر، وزیر ءِ مملکت ءُ ھاسیں کمکار آنی درملکی تر ءُ تاب آنی سر ءَ سرجمیں بندش برجاہ مان ایت۔ مزن وزیر ءَ ہدایت کت کہ سیادی داروکیں سیکرٹری وت کفایت شعاری ءُ پابندی ءِ توامیں پرمان ءُ گامگیج آنی سر ءَ عمل درآمد ءُ نگرانی کن اَنت ءُ ہر روچ چار ءُ تپاسی کمیٹی ءَ را رپوٹ پیش کن اَنت۔