پارلیمانی امور ءِ وفاقی وزیر ءَ نہال ہاشمی ءَ را سندھ ءِ گورنر ءِ بستار ءَ نامینگ ءِ پد ءَ مبارک بات داتگ

اسلام آباد۔12مارچ  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ نہال ہاشمی ءَ را سندھ ءِ گورنر ءِ بستار ءَ نامینگ ءِ پد ءَ مبارک بات داتگ۔ پنچ شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ مبارکی ءِ کلوہ ءِ تہ ءَ آئی ءَ گوشت کہ مسلم لیگ ءِ واستہ نہال ھاشمی ءِ دراجیں کوشست، قائد نواز شریف ءِ سروکی ءِ واستہ قربانی ءُ بے مٹیں عزم ستا کرز انت۔ من ءَ یقیں اِنت کہ تو اے ذمہ واری ءَ گوں وتی زانت ءُ تجربہ ءَ پیلو کن ئے۔