گتر  ءَ پاکستان ءَ چہ برنج ءُ دگہ وردن ءِ چیز آنی درآمد ءَ را گیش کنگ ءِ واھشت ءِ درشانی کتگ، وفاقی وزیر تجارت جام کمال

اسلام آباد۔12مارچ  (اے پی پی): وفاقی وزیر برائے تجارت جام کمال خان ءَ گوشت کہ گتر  ءَ پاکستان ءَ چہ برنج ءُ ایندگر وردن ءِ چیز آنی درآمد ءَ را گیش کنگ ءِ واھشت ءِ درشانی کتگ، ءُ پاکستانی برآمد کنوک آناں گتر  ءِ مارکیٹ ءِ لوٹ آنی رد ءَ آسراتی پجاری کنگ بوھگ ءَ اِنت۔ آئی ءَ اے ھیالانی درشانی پنچ شمبے ءِ روچ ءَ گتر ی دری تجارت ءِ وزیر ءِ مملکت ڈاکٹر احمد بن محمد السید ءِ گوما ورچوئل گند ءُ نند ءِ تہ ءَ کت۔ پاکستان ءُ گتر  ءِ نیام ءَ اقتصادی کمک ءُ فوڈ سیکورٹی شریکداری ءَ را گیش مھکم کنگ ءِ سر ءَ تپاک کنگ بوت۔ گپ ءُ تران ءِ ساھت ءَ دوئیں ملکانی وزیراں کاروباری تک ءِ نیام ءَ رابطہ گیش کنگ ءِ ضلورت ءِ سر ءَ زور پر دات ءُ پاکستان ءُ گتر  ءِ نیام ءَ دیم پہ دیم رابطہ ءِ وسیلگ ءَ برآمدات ءُ تجارت ءَ را دیمروئی دیگ ءِ سر ءَ ھم تپاک کت۔ دوئیں ملک آنی نیام ءَ انفراسٹرکچر، رسد ءُ توان ءِ شوبگ ءَ سرمایہ کاری ءِ موہ آنی بابت ءَ ھم ھیال ریچی کنگ بوت۔ ایشی ءَ ابید کراچی بندرگاہ ءِ گیشینگ ءِ منصوبگ ءَ ھوار جتاجتائیں اقتصادی منصوبگ آنی تہ ءَ کمک ءِ امکان آنی سر ءَ ھم ھیال ریچی کنگ بوت۔ جام کمال خان ءَ دمگی جاور ھال آنی سر ءَ دلپدردی ءِ درشان کتگ ءُ گتر  ءِ سروکی ءُ الس ءَ گوں یکوئی ءِ درشان کتگ۔ مزن وزیر شہباز شریف خطہ ءِ تہا امن، استحکام ءُ جیڈھانی گپ ءُ تران ءِ وسیلگ ءَ گیواری ءِ کمک ءَ کنت ۔ پاکستان ءَ دمگی امن ءُ کشیدگی ءِ کم کنگ ءِ واستہ ھمک رنگ ءِ سفارتی کوشست برجاہ داشتگ اَنت۔ مشکلیں جاور آنی تہ ءَ پاکستان وتی فوڈ سپلائی چین ءَ را مھکم کنگ ءِ واستہ گتر  ءَ را ھمک رنگ ءِ کمک ءَ کنت۔ جام کمال خان ءَ گوشت کہ پاکستان ءُ گتر  ءَ یکجائی ٹاسک فورس ءِ فعال کنگ ءُ اقتصادی کمک ءَ را ترند کنگ ءِ واستہ تپاک کتگ۔