معاون مزن وزیر محمد اسحاق ڈار ءُ عمان ءِ درئی کارانی وزیر بدر بن حمد البوسیدی ءَ ٹیلی فون ءِ سر ءَ گپ ءُ تران کت، میاں اوستمانی ءُ گیشیں دمگ ءِ سنگینیں جاور ھال آنی سر ءَ گپ ءُ تران

اسلام آباد۔12مارچ  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ اومان ءِ دری کارانی وزیر بدر بن حمد البوسیدی  ءَ گوں فون ءِ سر ءَ گپ ءُ تران کتگ، ایشی ءِ تہ ءَ میاں اوستمانی ءُ گیشیں دمگ ءِ سنگین ءُ دیمروئی کنوکیں جاور ھال آنی سر ءَ گپ ءُ تران کتگ۔ پنچ شمبے ءِ روچ ءَ درئی کارانی کارگس ءِ رد ءَ نائب مزن وزیر ءَ گپ ءُ تران ءِ دیمروئی ءُ کش ءُ چیل آنی تہ ءَ کمی ءِ تہ ءَ عمان ءِ جوڑیشتی  ءُ رپک ءُ رھبندی  کرد ءَ را ساڑات۔ آئی ءَ گوستگیں روچاں ملک ءِ سر ءَ بوتگیں اُرش آنی رژنائی ءَ اومان  ءُ آئی ءِ الس ءَ گوں یکوئی ءِ درشان ھم کتگ۔ نائب مزن وزیر ءَ پاکستان ءِ کشاں چیل ءِ ترندی ءَ چہ گیش کنگ ءُ سفارتکاری ءِ نیمگ ءَ واتر بوھگ ءِ لوٹ ءِ سر ءَ زور پر دات۔ آئی ءَ دمگ ءُ ایشی ءَ چہ دریں دمگاں کشیدگی ءَ را کم کنگ ءُ امن ءُ ایمنی ءِ دیمروئی ءِ واستہ درستیں کوشست آناں پاکستان ءِ برجاھیں کمک ءِ سر ءَ زور پر دات۔