صدر آصف علی زرداری ءَ ماریشس  ءِ صدر، حکومت ءُ الس ءَ را راجی روچ ءِ درگت ءَ مبارک بات داتگ

اسلام آباد۔12مارچ  (اے پی پی): صدر آصف علی زرداری ءَ ماریشس ءِ صدر دھرمبری گوکل، حکومت ءُ الس ءَ را راجی روچ ءِ درگت ءَ مبارک بات داتگ۔ پنچ شمبے ءِ روچ ءَ صدر ءِ کارگس ءِ پریس ونگ ءِ رد ءَ صدر ءِ مملکت ءَ وتی مبارکیں کلوہ ءِ تہ ءَ گوشت کہ پاکستان ماریشس ءِ گوما وتی دلپھکی ءُ دوستی ءِ سیادی آناں سک باز ارزشت دنت، ایشی ءِ تہ ءَ دو نیمگی ءُ کثیر نیمگی فورم آنی تہ ءَ وت مہ وتی بھروسہ ءُ تعمیری کمک ءِ نشانی ھوار اِنت۔ آئی ءَ گوشت کہ دوئیں ملک آنی نیام ءَ گیش بوھوکیں یکوئی ءُ یکجائی دلچسپی ءِ شوبگ آنی تہ ءَ کمک ءِ برجاھیں دیمروئی دلبڈی ءِ گپ انت۔ صدر مملکت ءَ اے گپ ءِ سر ءَ ھم زور پر دات کہ دوئیں ملک آنی نیام ءَ مردم آنی نیام ءَ رابطہ آناں گیش کنگ ءِ گوما تجارت، وانگ ءُ زانگ، دود ءُ ربیدگ ءُ سیل ءُ سواد ءِ پڑ ءَ کمک ءَ را گیش مھکم کنگ ءِ واستہ مزنیں گنجائش است انت۔ صدر آصف علی زرداری ءَ دل یکیمی ءِ درشان کت کہ آیوکیں سال آنی تہ ءَ پاکستان ءُ ماریشس ءِ نیام ءَ دوستی ءِ سیادی گیش مھکم بنت ءُ دوئیں ملک آنی اُلس ءِ وت مہ وتی پائدگ ءِ واستہ گیش دیمروئی کن اَنت۔ صدر ءِ مملکت ءَ صدر دھرمیندر پردھان ءِ جان سلامتی ءُ وشھالی ءُ ماریشس ءِ الس ءِ برجاھیں امن، دیمروئی ءُ وشھالی ءِ واستہ وتی نیکیں واھشت آنی درشان کت۔