وفاقی وزیر مواصلات عبدالعلیم خان ءِ سروکی ءَ این ایچ اے ءِ ھاسیں دیوان ، آیوکیں وھد ءَ 3 لین ءَ چہ کمیں نوکیں موٹروے جوڑ کنگ نہ بیت

اسلام آباد۔11مارچ  (اے پی پی): این ایچ اے ءِ یک ھاسیں دیوان ءِ وفاقی وزیر مواصلات عبدالعلیم  خان ءِ سروکی ءَ برجم دارگ بوت، ایشی ءِ تہ ءَ موٹروے آنی تہ ءَ گیشی ءُ مذہبی سیل ءُ سواد ءِ دیمروئی ءِ واستہ مزنیں منصوبگ آنی منظوری دیگ بوت۔ دیوان ءِ تہ پیسلہ کنگ بوت کہ لاہور ءُ سیالکوٹ  موٹروے ءَ را 2 لین ءَ چہ 3 لین ءَ گیش کنگ بیت، وھدیکہ سیالکوٹ  خاریان ءُ اسلام آباد موٹروے ھم ھمے رنگ ءَ جوڑ کنگ بیت (دو راہی 6 لین)۔ وفاقی وزیر ءَ اے گپ ءِ پدرائی کت کہ آیوکیں وھد ءَ 3 لین ءَ چہ کمیں نوکیں موٹروے جوڑ کنگ نہ بیت۔ آئی ءَ ایف ڈبلیو جی او ءِ کمک ءَ سیالکوٹ  راولپنڈی موٹروے ءِ سر ءَ کار ءَ را ترند کنگ ءِ ہدایت کت ءُ گوشت کہ اے منصوبگ ءَ چہ لاہور ءُ اسلام آباد ءِ نیام ءَ 100کلومیٹر ءِ دوری کم بیت ایشی ءَ چہ مسافر آنی واستہ یک کلاک ءِ وھد ءِ بچت بیت ءُ ایم ٹو ءِ سر ءَ ٹریفک ءِ دباؤ ھم کم بیت۔ عبدالعالم خان ءَ کرتار پور ءُ نانکانا صاحب ءَ را موٹروے ءِ گوما یکجا کنگ ءِ منصوبگ ءِ سر ءَ ھم چار ءُ تپاسی کت۔ سکھ کمیونٹی ءِ واستہ مذہبی سیل ءُ سواد ءِ تہ ءَ گیشی ءِ واستہ اے شاہراہ 3 لین ءُ سیکورٹی باڑ ءِ گوما جوڑ کنگ بنت۔ وفاقی وزیر ءَ ہدایت کت کہ سکھ سیاح آنی واستہ 3، 4 ءُ 5 اسٹار ہوٹل ءُ شاپنگ مال آنی جوڑیشت ءِ واستہ ملکی سرمایہ کاری آرگ بہ بیت۔ اے درگت ءَ آئی ءَ این ایچ اے ءَ را یورپ، برطانیہ، کینیڈا ءُ امریکہ ءَ ’’سرمایہ کاری روڈ شو‘‘ ءِ برجم دارگ ءِ پرمان داتگ تانکہ پاکستان ءِ نرمیں عکس سرجمیں دگنیا ءَ پدر کنگ بہ بیت۔