چیئرمین سینیٹ ءَ ایران ءِ نوکیں سروک ءَ را مبارکی دات، دو نیمگی سیادی ءَ را گیش مھکم کنگ ءِ جزم ءِ درشان

اسلام آباد۔11مارچ  (اے پی پی): سینیٹ ءِ چیئرمین سید یوسف رضا گیلانی ءَ اسلامی جمہوریہ ایران ءِ نوکیں سروک آیت اللہ مجتبیٰ خامنہ ای  ءَ را وتی اگدہ ءِ سر ءَ نندگ ءِ سر ءَ دل ءِ جہلانکی ءَ چہ مبارکی ءُ نیکیں واھگ آنی درشان کتگ۔ آئی ءَ وتی کلوہ ءِ تہ ءَ پاکستان ءُ ایران ءِ نیام ءَ دیریں براتی سیادی ءَ را گیش مھکم کنگ ءِ جزم ءِ پدا زور پر دات۔ چیئرمین سینیٹ ءَ گوشت کہ پارلیمنٹ، ریاست ءُ پاکستان ءِ الس آیت اللہ مجتبیٰ خامنہ ای  ءَ را اے ھاسیں ذمہ واری ءِ سر ءَ دل ءِ جہلانکی ءَ گوں مبارک بات آناں۔ آئی ءَ اے گپ ءِ سر ءَ زور پر دات کہ پاکستان ءُ ایران ءِ نیام ءَ مذھبی، دود ءُ ربیدگی ءُ راجدپتری سیادی ءِ تہ ءَ گہتریں سیادی است انت، ایشی ءَ چہ دوئیں ملک آنی نیام ءَ جتا جتائیں پڑ آنی تہ ءَ کمک ءِ دیمروئی ءِ واستہ یک مھکمیں بنیات ءِ پجارینگ بیت۔ سدا یوسف رضا گلیانی ءَ آیت اللہ مجتبیٰ خامنہ ای  ءِ شہیدی ءِ سرا ایران ءِ سروکی ءُ مہلوک ءَ گوں دل ءِ جہلانکی ءَ دلپدردی ءُ ہمدردی درشان کتگ۔ آئی ءَ گوشت کہ اے غم ءِ ساھت ءَ ریاست پاکستان ایرانی سروکی ءُ الس ءِ ھمراھی ءَ اوشتاتگ ءُ مزنیں سروک ءِ ازمت آناں شگر ءُ منت پیش کنت۔