قومی اسمبلی نصاب تعلیم، درسی کتاب و تعلیمی آبآتے برقرار تخنگ نا بابت بنجائی نگرانی ترمیمی بل 2026 ءِ منظورکرے

اسلام آباد۔ 10 مارچ (اے پی پی) قومی اسمبلی نصاب تعلیم، درسی کتاب و تعلیمی آب آتے برقرار تخنگ نا بابت بنجائی نگرانی ترمیمی بل 2026 ءِ سینیٹ آن منظور کروک دروشم اٹی منظور کرے۔سے شنبے نا دے آشازیہ مری ایوان اٹی نصاب تعلیم، درسی کتاب و تعلیمی آب آتے برقرار تخنگ نا بابت بنجائی نگرانی ایکٹ 1976 ٹی پین ترمیم کننگ نا بل ءِ سینیٹ آن منظور کروک دروشم اٹ سجفنگ نا تحریک پیش کرے ۔ اونا وزارتِ تعلیم مخالفت ءِ کتو ۔ عالیہ کامران ترمیم پیش کرے ہرادے ایوان مسترد کرے۔ اوکان پد ایوان آن بل انا شق وار منظوری ءِ ہلنگا، ہرا نا رِد اٹ شازیہ مری بل ءِ ایوان اٹ پیش کرے و قومی اسمبلی دا بل انا منظوری ءِ تس۔