وزیراعلیٰ بلوچستان نا کانجو ہاؤس آ ہِننگ، وزیر مملکت توانائی و السی امور عبدالرحمٰن خان کانجو نا لمہ نا کزیت آ ہڑزخواہی و دعاپاتیا

کوئٹہ۔ 10 مارچ (اے پی پی)  وزیراعلیٰ بلوچستان میر سرفراز خان بگٹی کہروڑ پکا ٹی واقع کانجو فارم ہاؤس آ ہنا، ہراڑے او وزیر مملکت توانائی و السی امور عبدالرحمٰن خان کانجو تون اونا لمہ نا کزیت آ بھاز است ہسونی نا درشانی ءِ کرے، وزیراعلیٰ بلوچستان ایماندار نا ثواب کن دعاپاتیاکرے و غمزدہ خاہوت تون ہمدری کرسا پارے کہ لمہ نا سیخا انسان نا زند انا غٹ آن بھلا نعمت ءِ، ودا عظیم ہستی نا دنیا آن رخصت مننگ اسہ ہندن ءُ صدمہ اسے ہرا نا پوروی آسان مفک ۔ او پارے کہ لمہ نا جتائی نا ڈکھیائی بھاز گہرا و بیان آن پیشن ءِولے ایمان و صبر اتون دا آزمائش تون مون تننگ مومن نا شیوہ ءِ ۔ میر سرفراز خان بگٹی عبدالرحمٰن خان کانجو و اونا خاہوت تون پبی ہمدردی نا درشانی ءِ دعا کرے کہ اللہ تعالیٰ ایماندار ءِ جنت اٹی بڑزکو ہند اس عطاکے، جنت الفردوس اٹی بڑزکو درجہ اس نصیب کے و پدسلوک آتے صبرِ وجمیل نصیب کے۔دا وخت آ چندی سیاسی شخصیت آک، مسکوہی ناظم آک و حلقہ نا شرفمند آتا بھلو کچ اس ہم ساڑی ئسر، ہرافک وزیراعلیٰ بلوچستان تون اوار ایماندار نا بخشش کن دعا کریر و غمزدہ خاہوت تون ہمدری نا درشانی ءِ کریر۔