فائیو جی سپیکٹرم نا نیلامی پاکستان نا ڈیجیٹل آخبت کن تاریخی ءُ گام اسے ، شزا فاطمہ خواجہ

اسلام آباد ۔ 10 مارچ (اے پی پی ) بنجائی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ پارینے کہ پاکستان نا ڈیجیٹل آخبت کن فائیو جی سپیکٹرم نا نیلامی اسہ تاریخی ءُ گام اسے ۔ ہرا ڈیجیٹل رابطہ غاتے گچین جوڑ کیک وپاکستان نا ڈیجیٹل زرگزران سوگو مریک،  سروسز اول اسلام آباد و صوبائی دارالحکومتآتیٹی پنچ آن شش تُو انا تہہ ٹی بناء کننگک۔ نیلامی نا چار آن پنچ تُو انا تہہ ٹی مخلوق ءِ فور جی سروسز اٹی گچینی نظر بننگ بناکیک ۔داخیال آتا درشانی ءِ او سے شنبے نا دے آنیکسٹ جنریشن موبائل سروسز فائیو جی کن سپیکٹرم نیلامی نا بنائی دود آن تران کرسا کرے، دود اٹی بنجائی وزیر حوالکاری عطاء اللہ تارڑ، وزیر خزانہ محمد اورنگزیب، چیئرمین پی ٹی اےمیجر جنرل (ر) حفیظ الرحمٰن و پارلیمنٹ نا باسک آک ہم ساڑی ئسر۔شزا فاطمہ پارے کہ پاکستان مست ہم بھاز آ ٹیکنالوجی نا انقلاب آتے خنانے، ولے ساڑی آ ڈیجیٹل بدلی نا ریسہ ملک اکن خاص وڑاٹ اہم ءِ ۔ اوپارے کہ چندی ادارہ غاک اوار ی اٹ دا نیلامی کن سپیکٹرم نا دستیابی ءِ پک کریر ۔او پارے کہ پاکستان 2014 آن 2016 نا نیام اٹ مسکوہی وزیراعظم نواز شریف نا حکومت اٹی تھری جی و فور جی نا دور اٹی گام ءِ تخا۔ اوکان پد ہچ ءُ بھلو سپیکٹرم نیلامی اس متنے ہرا نا سوب آن انٹرنیٹ نا آب اٹ و صارف آتیکن ویل ودی مس ۔شزا فاطمہ پارے کہ دا نیلامی نئے بیرہ فائیو جی سروسز درستی راستی کرفک بلکن ساڑی آ فور جی نیٹ ورکس انا آب و لائخیٹی ہم گچینی اتیک ۔ او پارے کہ ترند، پت انا قابل  و اڑزان انٹرنیٹ داسہ شاری تا بنداوی گرج جوڑ مسنے، و ڈیجیٹل رابطہ کاری زرگزران ، کشت و کشار،صنعت و قومی سلامتی کون آ بشخ آتیٹی اسہ اہم ءُ کڑد اس ادا کننگ اٹی ءِ ۔