حکومت نا زرگزرانی اصلاحات و ایس آئی ایف سینا گچین حکمت عملی و کمکاری ، پاکستان اٹی ارب آ ڈالر نا پوسکن درملکی زرکاری نا گمان آک روشنا ء

اسلام آباد ۔ 10 مارچ (اے پی پی) پاکستان اٹی درملکی زرکاری نا پوسکن آ درگہ غاک ملنگ انگ ءُ و ارب آ ڈالر نا گمانی زرکاری نا گمان آک روشنا مسنو ۔ایس آئی ایف سینا کمامدار آتارد اٹحکومت نا زرگزرانی اصلاحات و (ایس آئی ایف سی ) نا گچین حکمت عملی و کمکاری نا سوب آن پاکستان جہانی زرکارآتا چکار نا ہند اس جوڑ مننگ اٹی ءِ ۔ چین نا پنی آ کمپنی ‘ایرو اسپیس ڈویلپمنٹ انڈسٹری انویسٹمنٹ گروپ’ پاکستان اٹی 5 آن 10 ارب ڈالر اسکان زرکاری کننگ نا است خواہی ظاہر کرینے۔دا بابت چینی ڈل بنجائی وزیر زرکاری قیصر احمد شیخ تون اوڑدہی کرے اور زرکاری نا چندی وارخواہی تیا سرجمی اٹ گپ وتران کرے ۔ اوڑدہی ٹی چینی ڈل پاکستان اٹی معدنیاتپوسکن آ ٹیکنالوجی و صنعتی شونداری نا بشخ آتیٹی بھلو کچ اسے ٹی زرکاری نا است خواہی نا درشانی ءِ کرے ۔دا وخت آ بنجائی وزیر قیصر احمد شیخ ڈل ءِ حکومت نا زرکاردوست پالیسی تا بابت معلومداری ترسا پارے کہ زرکارآتاآسراتی و کاروبار اٹی آسانی کن ریگولیٹری اصلاحات نا کاریم برجا ءِ ۔ او پارے کہ زرکارآتے خصوصی اقتصادی زوناٹی خراج نا رعایت و مشینری نا درآمد آ سیلز خراج آن استثنی ٰ تون اوار چندی آسراتی فراوان کننگ انگ ءِ ۔او نا پاننگ ئس کہ ایس آئی ایف سی نا جوان حکمت عملی نا سوب آن پاکستان اٹی درملکی زرکاری ، صنعتی شونداری و زرگزرانی سرجزآتے پین سوگوی ملنگ اٹی ءِ ۔