ترجمان اوگرا نا پٹرولیم مصنوعات آتا نہاد آتیٹی ودکی نا بابت سوشل میڈیا غا تالان مروک آ خبر آتا تردید

اسلام آباد ۔ 10 مارچ (اے پی پی ) اوگرا نا ترجمان پٹرولیم منصوعات آتا نہاد آتیٹی ودکی نا بابت سوشل میڈیا غاتالان مروک آ خبر آتا تردید ءِ کرسا دا وڑ نا خبر آتے دروغ گوندانے۔سے شنبے نا دے آجاری مروک اسہ بیان اسے ٹی اوگرا نا ترجمان پیدوار کرے کہ اوگرا نا کنڈ آن پٹرول نا نہاد اٹی 73.40 روپئی و ڈیزل نا نہاد اٹی 84.95 روپئی نا ودکی نا ہچ ءُ سمری اس وزیراعظم نا آفسآ روانہ کننگتنے۔ او پارے کہ دا دعویٰ سراسر بے بنداو ءِ و دانا حقیقت تون ہچ ءُ تعلق اس اف ۔ترجمان پیدوار کرے کہ سوشل میڈیا غا تالان مروک آ ہندا خبرآک من گھڑت و دروغ ءُ، ہرانا حقیقت تون ہچ ءُ تعلق اس اف۔ او پارے کہ الس دا وڑ نا بے پک حوال آتیا خف توپ۔