اسلام آباد۔10مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ انوگیں جاور ھال راجی یکوئی ءِ لوٹ ءَ کن اَنت، پاکستان ھچ ملک ءِ ھلاپ ءَ جنگ ءَ ھوار نہ بوھگ ءَ اِنت، ما سعودی عرب ءِ گوما وتی دیمپانیی معاہدے ءِ سر ءَ اوشتاتگیں، ما وتی جان ءِ قربان کنگ ءَ چک ءُ پد نہ بئیں پہ دیمپانی ءِ ھاتر مئے ملک …
انوگیں جاور راجی یکوئی ءِ لوٹ ءَ کن اَنت، ما ھرچ ملک ءِ وشّی ءِ بدل ءَ وتی ملک ءِ مفاد ءَ ھیال ءَ دارگ ءَ پیسلہ کن ایں، ڈاکٹر طارق فضل چوہدری
گیشتریں ھال
اسلام آباد۔10مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ انوگیں جاور ھال راجی یکوئی ءِ لوٹ ءَ کن اَنت، پاکستان ھچ ملک ءِ ھلاپ ءَ جنگ ءَ ھوار نہ بوھگ ءَ اِنت، ما سعودی عرب ءِ گوما وتی دیمپانیی معاہدے ءِ سر ءَ اوشتاتگیں، ما وتی جان ءِ قربان کنگ ءَ چک ءُ پد نہ بئیں پہ دیمپانی ءِ ھاتر مئے ملک ءِ مفاد ءِ بدل ءَ ھرچ ملک ءِ وشّی ءِ ھاترا۔ سئے شمبے ءِ روچ ءَ راجی اسمبلی ءَ جتاجتائیں باسک آنی نیمگ ءَ چست کتگیں نکات آنی پسو ءَ آئی ءَ گوشت کہ خطہ ءِ استیں جاورھال سکیں جیڈھ انت بلے اے ایوان ءَ ایشی ءِ سر ءَ سیاست ھم کنگ بیت۔ مئی ءَ ما ہندوستان ءِ زوراکی ءِ سرا داتگیں لائکیں پسو ءَ سرجمیں راج یکجاہ بوتگ ات۔ انوگیں جاوراں اد ءَ ھما بیان دیگ بوھگ ءَ اَنت کہ پاکستان جنگ ءِ بھر بوھگ ءَ اِنت، من اے گپ ءَ پدّر کن آں کہ پاکستان نہ ھچ ملک ءِ ھلاپ ءَ جنگ ءَ اِنت ءُ نہ کہ کجام ھم ملک ءِ سر ءَ اُرش کنگ ءَ اِنت۔ پاکستان دری پالیسی ءِ تہا اولی ملک انت۔ آئی ءَ گوشت کہ اے جیڈھ ءِ سر ءَ سیاست ءُ تپاکی ءِ بیان ءَ چہ پھریزگ بہ بیت، سعودی عرب ءِ گوما مئے دیمپانیی معاہدہ است انت، ما ایشی ءِ سر ءَ پابند آں، ما دو شریک مسجد ءِ دیمپانی ءِ واستہ مرگ ءَ تیار آں ۔ ما ایران ءِ سرا اُرش ءُ آیت اللہ خامنہ ای ءِ شہید مذمت کتگ ءُ ما ایران ءِ گوما اوشتاتگیں ۔ خلیج ءِ ملکانی سرا ڈرون ءُ میزائل ءِ اُرش ہم مذمت ءِ لائک انت۔ آئی ءَ گوشت کہ اے ایوان ءَ دمگ ءِ جاور آنی سر ءَ باسک آناں مزنیں توار چست کت ءُ حکومتی ءُ اپوزیشن ءِ باسک آناں برابری ءَ وھد دیگ بوت۔ آئی ءَ گوشت کہ مزن وزیر ءِ دعوت ءِ پد ءَ ما رانا ثناء اللہ ءِ سروکی ءَ اپوزیشن چیمبر ءَ شتاں ءُ استیں جاور ھال آنی ھوالگ ءَ ان کیمرہ بریفنگ ءَ ھوار بوھگ ءِ دعوت دات۔ سیکورٹی ادارہ اے گس ءَ اتکگ ءُ بریفنگ داتگ بلے اپوزیشن ءَ اے بریفنگ بائیکاٹ کتگ۔ اے یک عمومی دعوت یے ات کہ اد ءَ بیا انت، اد ءَ بریفنگ دیگ بوتگ ات ءُ آہانی سوجانی رژنائی ءَ کارروائی ءِ منصوبہ جوڑ کنگ بوتگ ات۔ نوں ادا تنقید بے جاہ اِنت۔ آئی ءَ گوشت کہ اپوزیشن ءَ را سنگینی ءِ درشان کنگی انت، ما آھاں اعتماد ءَ زوریں ۔ آ ھرچ ملک ءِ وشّی ءِ بدل ءَ مئے ملک ءِ مفاد ءَ ھیال ءَ دارگ ءَ پیسلہ کنگ ءَ تیار اَنت۔ ہما راجی یکوئی ءِ ضلورت انت کہ آئین ءِ جوڑ کنگ ءِ وھد ءَ بوتگ ۔ اے ملک ءَ ہر وہد ءَ کہ گچینکاری بوتگ انت آہانی سرا اعتراض کنگ بوتگ انت۔ ما تپاکی ءِ سیاست کنگ نہ لوٹیں۔ بلے اے گپ گشگ بہ بیت کہ تحریک انصاف ءِ بن ھشت ایر کنوک ءَ اسرائیل ءِ ھلاپ ءَ اگاں مذمتی بیان داتگ گڑا پیش دار اِت۔ آہاں گوشت کہ مزن وزیر ءِ سروکی ءَ بچت ءِ ھوالگ ءَ گامگیج پیش کنگ بوتگ انت۔ کابینہ ءِ باسکاں 2 ماہ ءِ رضاکارانہ تنخواہ نہ زورگ ءِ فیصلہ کتگ۔ ہفتہ ءِ تہا نوں سئے روچ ءِ چھٹی بیت۔ سرکاری ادارگ آنی تہ ءَ پٹرول ءِ کارمرد نیم کنگ بوتگ۔ امیت انت کہ راج ایشی ءِ رندگیری ءَ کنت ءُ یک رندے پدا یکجاہ بوھگ ءَ ما اے جاوراں گوں دیم پہ دیم بوت کنیں۔
