فائیو جی سپیکٹرم  نیلامی ءَ چہ پاکستان ءَ ڈیجیٹل کنکٹیویٹی ءَ انقلاب کیت، وفاقی وزیر ءِ اھوالکاری عطا اللہ تارڑ ءَ مراگش ءَ گشتانک

اسلام آباد۔10مارچ  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ 5 جی اسپیکٹرم ءِ نیلامی ءَ چہ پاکستان ءَ ڈیجیٹل کنکٹیویٹی ءِ شوبگ ءَ انقلاب کیت۔ سئے شمبے ءِ روچ ءَ ادا پی ٹی اے ءِ نیمگ ءَ برجم داشتگیں 5 جی اسپیکٹرم نیلامی ءِ سرجمی ءَ پد مراگش ءَ گوں گشتانک دیان ءَ وفاقی وزیر ءِ اھوالکاری ءَ گوشت کہ مزن وزیر محمد شہباز شریف ءِ گور ءَ ھاسیں ہدایت انت کہ پاکستان ءَ کجام ھم نیلامی ءِ عمل ءِ براہ راست شنگ کنگ بہ بیت۔ مرچی سرجمیں دگنیا ءَ پاکستان ءَ 5 جی سپیکٹرم ءِ شفافیں نیلامی ءِ عمل دیستگ۔ نیلامی ءِ ہر پہلو ءِ براہ راست شنگ کنگ بوتگ ات کہ شفافیت ءِ ضمانت دیگ بہ بیت۔ آئی ءَ گوشت کہ 5 جی سپیکٹرم سافٹ ویئر ءِ وسیلگ ءَ آن لائن نیلامی کنگ بوتگ، اے عمل ءَ سرجمیں ٹیلی کام کمپنی آناں بھر زرتگ، ایشی ءِ واستہ آ منت وار آں ۔ آئی ءَ گوشت کہ پرائیویٹ سیکٹر ءِ کجام ھم تنظیم ءِ سرکاری شوبگ ءِ سر ءَ دل یکیمی ءِ درشان کنگ ءُ عمل ءِ شفافیت ءِ منگ مزنیں سوبمندی اِنت۔ وھدے کہ سرکاری ءُ نجی شعبہ کمک ءَ کار کن انت گڑا معیشت دیم ءَ روت۔ وفاقی وزیر ءِ اھوالکاری ءَ وفاقی وزیر ءِ اھوالکاری، سیکرٹری انفارمیشن ٹیکنالوجی، ممبر ٹیلی کام، چیئرمین پی ٹی اے ءُ سرجمیں پی ٹی اے ٹیم ءَ را 5 جی اسپیکٹرم نیلامی ءِ عمل ءِ سرجمی ءِ سر ءَ مبارک بات دات ءُ گوشت کہ ما 5 جی ءِ نیمگ ءَ روگ ءَ ایں، اے پاکستان ءِ واستہ مزنیں روچ اِنت۔