سوشل میڈیا ءِ سر ءَ دری پالیشی ءِ بابت ءَ بے ھالیں تبصرہ کنگ ءَ چہ رکگ بہ بیت، ملک ءِ مفاد مئے واستہ مستریں چیز اِنت، مئے گوں دمگ ءِ ملکاں نزیکیں ءُ دوستی ءِ سیادی اِنت، وفاقی وزیر ءِ اطلاعات عطا اللہ تارڑ ءِ پریس کانفرنس

اسلام آباد۔10مارچ  (اے پی پی): وفاقی وزیر ءِ اھوالکاری عطا اللہ تارڑ ءَ سوشل میڈیا ءِ سر ءَ دری پالیشی ءِ بابت ءَ بے وسی ءِ تبصرہ آناں تاوان بار لیکگ ءِ وھد ءَ گوشت کہ مئے واستہ پاکستان ءِ مفاد سرجم اِنت، مئے دمگ ءِ ملک آنی گوما نزیکیں ءُ دوستی ءِ سیادی اِنت، دری پالیشی ءَ را بنجاہی جیڑھ ءِ رنگ ءَ گرگ مہ بیت۔ سئے شمبے ءِ روچ ءَ پی ٹی وی ءِ بنجاہی کارگس ءَ وفاقی کانود ءِ وزیر اعظم نذیر تارڑ ءُ تہی کارانی وزیر مملکت طلال چوہدری ءِ گوما پریس کانفرنس ءَ گوں تران کنان ءَ وفاقی وزیر ءِ اھوالکاری ءُ نشریات عطا اللہ تارڑ ءَ گوشت کہ استیں جاور ھال آنی تہ ءَ دری کارانی کارگس ءِ کرد سک باز کلیدی بوتگ۔ پریس ریلیز ہر دومی روچ ءَ نہ ایوک ءَ نائب مزن وزیر ءِ کارگس ءَ چہ شنگ کنگ بنت بلکیں درئی کارانی کارگس ءِ جارکش ءَ چہ ھم جارکش رسانکدر ءِ جُست آنی پسو ءِ واستہ ھم دستیاب اَنت۔ ھمے رنگ ءَ مزن وزیر کارگس ءِ نیمگ ءَ چہ درئی کارانی ھوالگ ءَ سرجمیں پریس ریلیز ھم جاری کنگ بیت۔ آئی ءَ گوشت کہ انوگیں دور ءَ وائوز ءِ گرگ ءِ دوڑ بوھگ ءَ اِنت، اگاں مول ءُ مراد یک ولاگے ءِ سر ءَ گیشتر ووز ءِ گرگ بہ بیت گڑا برے برے دو ملکانی بابت ءَ چوشیں گپ جنگ بنت کہ آھانی سر ءَ گیشتر دلگوش دیگ بیت ءُ ایشی ءِ آسر ءَ مونیٹائزیشن ءِ تہ ءَ گیشی بیت۔ پاکستان ءِ واستہ عرب ملک ءُ ایران اہم انت، ایران مئے ھمساھگیں ملک انت، وھدیکہ پاکستان ءِ پالیشی ءَ مدام اے گپ پدر بوتگ کہ راجی نپ اولی رند ءَ انت۔ آئی ءَ گیش گوشت کہ پاکستان ءِ وتی درئی پالیشی اِنت ءُ ایشی ءِ چیر دستی ءَ توازن ءِ برجائی ءَ چہ مئے گوں مسلم ملک آنی گوما جوانیں سیادی است اَنت۔ وفاقی وزیر ءَ گوشت کہ وھدے ما دگر آناں بدنام کنگ ءِ کوشست کن ایں ءُ وتی ھیال آناں راج ءَ را سر کنگ ءِ واستہ دری پالیشی ءِ من مانی ءِ رد ءَ پیش کن ایں گڑا اے ھچ وڑیں رھبند نہ اِنت۔ آئی ءَ گوشت کہ وزیر ءِ اھوالکاری ءِ بستار ءَ منی سوگند ءُ آئین ءَ اے المی کتگ کہ درئی کارانی کارگس یا مزن وزیر کارگس ءَ چہ درکپوکیں موقف ءِ سر ءَ آئی ءِ دائرہ ءِ تہ ءَ گپ ءُ تران کنگ بہ بیت۔ آئی ءَ گْوشتگ کہ من ءَ یک جیڑھے ءِ سر ءَ ذاتی رنگ ءَ وتی ھیال بوت کنت بلے من وتی ذاتی ھیال ءَ دیم ءَ نہ براں ءُ نہ کہ کسے ءِ سر ءَ مسلط کنگ ءِ جُھد ءَ کن آں ۔ آئی ءَ گوشت کہ سنسیشن پیداک کنگ ءَ چہ وژن ءِ گرگ یک خطرناکیں رجحان اِنت۔ وفاقی وزیر ءَ گوشت کہ ادا بازیں ذمہ وار ءُ باصلاحیتیں اھوالکار است انت ءُ بازیں اینکر ھم استیں جاور ھال آنی سر ءَ سک باز سنگین ءُ ذمہ واریں رنگ ءَ گپ ءُ تران کنگ ءَ انت پرچا کہ آ دمگ ءِ جیو پولیٹیکل جاور ھال ءَ را شرتر سرپد انت، بلے یک ملکے ءِ ھلاپ ءَ بے وسی ءِ بیان دیگ ءِ رجحان ھچ وڑ ءَ ھست نہ انت پرچا کہ پاکستان ءِ دمگ ءِ گوما نزیک ءُ دوستیں سیادی است انت۔ آئی ءَ گوشت کہ سوشل میڈیا ءِ سر ءَ دری پالیشی ءِ ھوالگ ءَ بے ھالیں تبصرہ تاوان بار ثابت بوت کن اَنت، پرچا کہ آ لھتیں ملک آناں اے مارشت ءَ دنت کہ اے ریاست ءِ پالیسی بوت کنت پرچا کہ آھانی ملک ءَ دری پالیشی ءِ جیڈھ آنی سر ءَ میڈیا ءَ ھما چیز کہ کیت آ عمومی رنگ ءَ ریاست ءِ موقف زانگ بیت۔ آئی ءَ گوشت کہ اے معاملہ ءَ احتیاطی ضلورت انت، مئے راج دوستی ءُ پاکستان ءَ گوں مہر ءِ لوٹ انت کہ دری پالیشی بنجاہی سیاسی معاملہ آنی وڑ ءَ چارگ مہ بیت۔ سیاست دان ہم یکے دومی ءِ مخالفت ءُ ایراد گرگ ءَ انت۔ آئی ءَ گوشت کہ بنجاہی سیاست ءِ وتی ڈائنامکس است انت کہ اودا سکیں ایراد ھم کنگ بیت ءُ اے سیاسی عمل ءِ بھر انت۔ آئی ءَ گوشت کہ بنجاہی سیاست ءِ تہ ءَ ایراد سد رند ءَ کنگ بیت، بلے دری پالیشی ءِ جیڈھ آنی تہ ءَ اگاں ھمے رھبند ءِ سر ءَ عمل کنگ بہ بیت ایشی ءَ چہ ملک ءَ را تاوان رس ایت، پمیشکا دری پالیشی ءِ سر ءَ بے وسی ءِ تبصرہ کنگ ءَ چہ پھریزگ بہ بیت۔