دو ہزار شہری ءُ نودربر ایران ءَ چہ ایمنی ءَ در کنگ بوتگ انت، رند ءَ پدا واتر کنگ ءِ ھاتر ءَ گامگیج زورگ بوھگ ءَ انت، وفاقی وزیر طارق فضل چوہدری راجی اسمبلی ءَ وتی دلگوش ءِ نیمگ ءَ کشگ بوتگیں نوٹس ءِ پسو ءَ داتگ

اسلام آباد۔10مارچ  (اے پی پی): راجی اسمبلی ءَ را گوشگ بوتگ کہ دو ھزار شہری ءُ نودربر ایران ءَ چہ ایمنی ءَ در کنگ بوتگ انت، پاکستانی رند ءِ شہری ءُ نودربر آنی واتر کنگ ءِ واستہ گامگیج زورگ بوھگ ءَ انت۔ سئے شمبے ءِ روچ ءَ قومی اسمبلی ءِ دیوان ءَ ڈاکٹر نفیسہ شاہ، شازیہ مری ءُ اے درگت ءَ اے بابت ءَ دلگوش گور کتگ انت۔ پارلیمانی کارانی وفاقی وزیر ڈاکٹر طارق فضل چوہدری ءَ ایوان ءَ گوں تران کنان ءَ گوشت کہ میاں اوستمانی تک ءِ جاور ھال پریشان کنوک اَنت، میاں اوستمانی تک ءَ ھاسیں رنگ ءَ ایران ءَ پاکستانی نودربر ءُ شہری آناں ایمنیں درکپگ مئے اولی ترجی اِنت۔ پاکستانی سفارتخانہ، زاهدان ءُ مشہد مشن ءَ را ھم ہدایت داتگ ءُ ھما وڑیں بندوبست کنگ بوتگ۔ انوگ ءَ تاں 2 ھزار ءَ چہ گیش نودربر چہ اودا در کنگ بوتگ اَنت۔ آئی ءَ گوشت کہ تفتان اینڈ علی رمضان ءِ سیمسر ایشی ءِ واستہ کارمرد کنگ ءَ انت، آذربائیجان روٹ ھم کارمرد کنگ ءَ انت۔ سیکورٹی ءِ درگت ءَ پاکستان ءِ سفارتخانہ ءَ را وھد ءِ واستہ جاہ بدل کنگ بوتگ ۔ وفاقی وزیر ءَ گشتگ کہ ایران ءِ سرا اُرش ءِ جاور نگیگ انت ۔ پاکستان ءَ گوستگیں سئے ماہ ءَ چہ سفارت خانہ ءُ مشن آلرٹ کتگ اتنت، سفارت خانہ ءُ مشن واٹس ایپ گروپ ءُ اے دگہ چینل آنی وسیلگ ءَ پاکستانی نودربر ءُ شہری آنی گوما ھم رابطہ ءَ بوتگ انت۔ ڈاکٹر شازیہ مری ءِ جست ءِ سر ءَ آئی ءَ گوشت کہ ایران ءِ جاور ھال غیر معمولی انت، مئے سفارت ءُ مشن پاکستانی نودربر ءُ شہری آں گوں رابطہ ءَ انت، سفارت ءُ مشن ءَ را روچے 500 ءَ چہ گیش کال رسگ ءَ انت۔ پاکستانی شہری آناں رکھینگ مئے اولی ترجی انت۔