5G سروسز ءِ بندات ءَ چہ آرٹیفیشل انٹیلی جنس، بلاکچین ءُ ویب 3.0 ءِ وڑیں ٹیکنالوجی آناں دیمروئی رسیت، پاکستان نوکیں ڈیجیٹل معیشت ءِ نیمگ ءَ رھادگ بوھگ ءِ ھاترا توانمند بیت، وفاقی ھزانگ ءِ وزیر سپیکٹرم نیلامی ءِ مراگش ءَ گوں تران کنان

اسلام آباد ءِ سرا بوتگ۔ مارچ (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ ڈیجیٹل دیمروئی گیشیں اقتصادی ءُ چاگردی دیمروئی ءِ ھاترا یک وسیلہ یے، گہتریں ڈیجیٹل رابطہ کاری ءَ چہ ترند، ارزان ءُ گہتریں سروس ڈیلیوری ءِ اہل کنگ ءَ کمک رسیت ءُ ای سپیکٹرم ءِ جتا جتائیں شوبگ آنی تہ ءَ بے کساسیں موہ پیداک بنت۔ 5جی سروسز ءَ چہ آرٹیفیشل انٹیلی جنس، بلاکچین ءُ ویب 3.0 ءِ وڑیں نوکیں ٹیکنالوجی آناں ھم دیمروئی رسیت، ایشی ءَ چہ پاکستان ءَ را نوکیں ڈیجیٹل معیشت ءِ نیمگ ءَ دیم ءَ برگ ءِ وس ءُ واک رسیت۔ آئی ءَ اے ھیالانی درشانی سئے شمبے ءِ روچ ءَ پاکستان ٹیلی کمیونیکیشن اتھارٹی ءِ نیمگ ءَ برجم داشتگیں این جی ایم ایس/5 جی سپیکٹرم نیلامی مراگش ءَ گوں گشتانک دیان ءَ کت۔ آئی ءَ نیلامی ءَ را راجدپتری سنگ میل لیک اتگ ءُ گوشت کہ اے گامگیج ءَ چہ پاکستان ءِ ڈیجیٹل ٹرانسفارمیشن ءَ را تیز کنگ ءُ ملک ءِ ڈیجیٹل معیشت ءَ را مھکم کنگ ءَ کمک رسیت۔ وزیر خزانہ ءَ گوشت کہ اے نیلامی ءِ فریم ورک ءَ را گڈی رنگ ءَ دیگ ءِ واستہ گوستگیں یک ءُ نیم سال آنی تہ ءَ کتگیں مزنیں کوشست آنی آسر آناں مرچی کارروائی ءَ گندگ دل ءِ وشیں گپ اِنت۔ آئی ءَ گوشت کہ سپیکٹرم کمیٹی ءَ آئی ءِ سروکی ءَ یک نیمگ ءَ گیش ءَ چہ گیش آمدنی پیداک کنگ ءُ دومی نیمگ ءَ پاکستان ءِ ڈیجیٹل سفر ءَ را دیم ءَ برگ ءِ واستہ سازگاریں ایکو سسٹم ءِ جوڑ کنگ ءِ ھاترا سرجمیں ھیال ءُ لیکہ ءَ پد یک متوازن فریم ورک ءِ تیاری کتگ۔ وزیر خزانہ ءَ اے گپ ھم من اِت کہ سپیکٹرم نیلامی ءِ عمل ایشی ءَ چہ پیسر 2021 ءَ انفارمیشن ٹیکنالوجی ءِ وزیر ءِ گوستگیں دور ءِ وھد ءَ بندات کنگ بوتگ۔ آئی ءَ جتا جتائیں حکومت آنی تہ ءَ پالیسی ءِ تسلسل ءِ توسیپ کت ءُ گوشت کہ اگاں حکومت بدلی ءِ تہ ءَ ھوار بنت بلے یک رھبند ءِ رد ءَ پالیسی ءِ رھبند دیمروئی ءَ را دل یکیمی کنت۔ آئی ءَ نیلامی ءَ را درستیں اسٹیک ہولڈر آنی واستہ یک ھاسیں ساھت ءِ رنگ ءَ لیک ات کہ آھاں اے گامگیج ءِ سوبمندی ءَ را وتی کرد پیلو کتگ۔ وزیر خزانہ ءَ اے گپ ءِ سر ءَ زور پر دات کہ ڈیجیٹل دیمروئی وت یک آسر ءِ نہ اِنت بلکینگ ءَ گیش اقتصادی ءُ چاگردی دیمروئی ءِ ھاترا وسیلگ اِنت۔ ڈیجیٹل کنکٹیویٹی ءَ چہ ترند، ارزان ءُ جوانیں سروس ءِ ترسیل ءِ اہل جوڑ بیت ءُ معیشت ءِ جتا جتائیں شوبگ آنی تہ ءَ بے کساس موہ پیداک بنت۔ آئی ٹی ءُ آئی ٹی ءَ گوں سیادی داروکیں ازمت ءِ شوبگ ءِ ارزشت ءَ را پدر کنان ءَ آئی ءَ گوشت کہ ڈیجیٹل انفراسٹرکچر ءِ گہتری ءَ چہ پاکستان ءِ یک وشیں دیمروئی ءِ شوبگ ءِ ھاسیں رنگ ءَ برآمدات ءِ دیمروئی ءَ را گیش مھکم کنگ بیت ءُ روزگار ءِ نوکیں موہ پیداک بنت۔ آئی ءَ اے گپ ءِ سر ءَ زور پر دات کہ حکومت ءِ کرد یک انچیں توانمندیں چاگرد ءِ پجاری کنگ اِنت کہ ایشی ءِ وسیلگ ءَ نجی شوبگ اقتصادی دیمروئی ءِ رھشونی ءَ بہ کنت۔ اے درگت ءَ آئی ءَ ڈیجیٹل ایجنڈا ءَ را دیم ءَ برگ ءِ واستہ جاری جتا جتائیں گامگیج آنی ذکر کت، ایشی ءِ تہ ءَ فری لانسرز ءِ کمک، مزن وزیر ءِ ڈیجیٹل پاکستان ءِ وژن ءِ سرجم کنگ، ڈیجیٹل انفراسٹرکچر ءِ تہ ءَ گیشی، ادائیگی ءِ نظام ءِ دیمروئی ءُ سرکاری ادائیگی ءَ را ڈیجیٹل کنگ ھوار اَنت۔ آئی ءَ گیش گوشت کہ سپیکٹرم ءِ گیشیں دستیابی ءُ 5 جی سروسز ءِ بندات ءَ چہ آرٹیفیشل انٹیلی جنس، بلاکچین ءُ ویب 3.0 ءِ وڑیں نوکیں ٹیکنالوجی آناں ھم دیمروئی رسیت، ایشی ءَ چہ پاکستان ءَ را نوکیں ڈیجیٹل معیشت ءِ نیمگ ءَ رھادگ بوھگ ءِ وس ءُ واک رسیت۔ وزیر خزانہ ءَ گیش گوشت کہ ھاسیں رنگ ءَ بحران ءِ وھد ءَ جوانیں رابطہ ءُ ڈیجیٹل انفراسٹرکچر سک باز المی بیت۔ مزن وزیر ءِ یک روچ ءِ پیسر کتگیں جار ءِ حوالہ ءَ آئی ءَ گوشت کہ گہتریں ڈیجیٹل صلاحیت آنی سبب ءَ اے وڑیں جاور آنی تہ ءَ آن لائن وانگ ءُ زانگ، ریموٹ ورکنگ ءُ ایندگر ڈیجیٹل سروسز ءِ تہ ءَ آسانی ءَ گوں رھادگ بوھگ ءِ موہ رس ایت۔ سینیٹر اورنگزیب ءَ سپیکٹرم کمیٹی ءِ باسک ءُ درستیں سٹیک ہولڈر آنی منت گپت کہ آ اے سنگ میل ءِ ھاترا وتی کرد ءَ پیلو کن اَنت۔ آئی ءَ اے باور ءِ درشان کت کہ سپیکٹرم ءِ نیلامی ءَ چہ سرجمیں پاکستان ءَ گہتریں رابطہ، نوآبادیاتی ءُ اقتصادی موہ آنی واستہ راہ پچ بنت۔