ڈپٹی چیئرمین سینیٹ سیدال  خان ءِ گوں ڈی جی نادرا بلوچستان محمد کاشف اقبال، ڈپٹی کمشنر کوئٹہ سعد بن اسد ءُ سیکرٹری لوکل گورنمنٹ بلوچستان میر عبدالرووف بلوچ ءَ گوں گند ءُ نند

اسلام آباد۔10مارچ  (اے پی پی): ڈائریکٹر جنرل نادرا بلوچستان محمد کاشف اقبال، ڈپٹی کمشنر کوئٹہ سعد بن اسد ءُ سیکرٹری لوکل گورنمنٹ بلوچستان میر عبدالرووف بلوچ ءَ سینیٹ ءِ گس ءَ ڈپٹی چیئرمین سیدل خان ءَ گوں گند ءُ نند کت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ دیوان ءَ بلوچستان ھاسیں رنگ ءَ کوئٹہ ءَ نادر ءِ ھوالگ ءَ راجی جیڈھ ، ادارگ ءِ کارکردگی ، نوکیں آسراتی آنی پھجاری ءُ صوبگ ءِ تہ ءَ وانگ ءُ زانگ ءُ چاگردی دیمروئی ءِ جیڈھ آنی سر ءَ سرجمی ءَ گپ ءُ تران کنگ بوتگ۔ اے موہ ءِ سر ءَ ڈپٹی چیئرمین سینیٹ سیدل خان ءَ گوشت کہ ناڈرا یک ھاسیں راجی ادارگ اِنت ایشی ءَ چہ شہری آناں پجاری کاگد آناں وھد ءِ سر ءَ پھجاری ءِ وسیلگ ءَ ریاست ءُ الس ءِ نیام ءَ بھروسہ ءِ مھکم کنگ ءَ کلیدی کرد پیلو کنگ ءَ اِنت۔ آئی ءَ اے گپ ءِ سر ءَ زور پر دات کہ بلوچستان ءِ دور ءُ دراج ءُ پدمنتگیں دمگ آنی تہ ءَ نادر ءِ ھزمت گیش ءَ چہ گیش کارآمد ءُ کارآمد جوڑ کنگ بہ بنت تانکہ مہلوک ءَ پجار  ءُ اے دگہ کاگد آنی گرگ ءَ ھچ وڑیں اڑ ءُ جنجال ءِ آماچ مہ بیت۔ ملک ءِ پدمنتگیں دمگاں ھاسیں رنگ ءَ بلوچستان ءَ نادرا ءِ کارگس آنی تہ ءَ نوکیں آسراتی ءُ ٹیکنالوجی ءِ آرگ سک باز المی انت تانکہ دوریں دمگ آنی مردم ھم ھما آسراتی ءَ بہ رس اَنت کہ ملک ءِ مزنیں شھر آنی تہ ءَ دیگ بوھگ ءَ اَنت۔ آئی ءَ گوشت کہ نوکیں ٹیکنالوجی ءَ رسائی چہ پد منتگیں دمگ آنی الس آناں راجی دیمروئی ءِ لڑ ءَ ھوار کنگ ءَ ھاسیں کرد ءِ پیلو کنت۔ گند ءُ نند ءَ ڈپٹی کمشنر کوئٹہ سعد بن اسد ءَ کوئٹہ ءِ امن ءُ ایمنی ءِ سرجمیں جاور ءُ شہریانی جیڈھ آنی گیواری ءِ واستہ ضلعی انتظامیہ ءِ نیمگ ءَ چست کنگ بوؤکیں گامگیج آنی بابت ءَ سرپد کت۔ آئی ءَ گوشت کہ ضلعی انتظامیہ جتا جتائیں حکومتی ادارگ آنی نیام ءَ جوانیں ھمگرنچی ءِ وسیلگ ءَ شہر ءَ امن ءُ ایمنی ءِ برجائی، سرکاری آسراتی آناں گہتر کنگ ءُ الس ءَ را جوانیں آسراتی پجاری ءِ واستہ عملی گامگیج کنگ ءَ انت۔ ڈپٹی چیئرمین سینیٹ ءَ گیش گوشت کہ بلوچستان ءِ برجمیں دیمروئی ءِ واستہ وانگ ءُ زانگ، نوکیں ٹیکنالوجی ءُ کارآمدیں انتظامی نظام ءِ مستریں کنٹگ انت۔ آئی ءَ اے گپ ءِ سر ءَ ھم زور پر دات کہ ورنا آناں وانگ ءُ زانگ ءُ ہنر ءِ واستہ جوانیں موہ پجاری کنگ بہ بنت تانکہ آ ملک ءِ دیمروئی ءُ وشھالی ءِ تہ سرجمی ءَ کرد پیلو بہ کن اَنت۔ اے موہ ءِ سرءَ سیکرٹری لوکل گورنمنٹ بلوچستان میر عبدالرووف بلوچ ءَ صوبہ ءِ تہا بنجاہی حکومت ءِ نظام ءَ را گیش کارآمد جوڑ کنگ ءُ سرکاری آسراتی ءِ گہتر کنگ ءِ ھاتر ءَ چست کنگ بوؤکیں گامگیج آنی بابت ءَ سرپدی دات۔ آئی ءَ گوشت کہ بنجاھی حکومتی ادارگ آنی وسیلگ ءَ الس ءَ را بنیاتی آسراتی پجاری حکومت ءِ اولی ترجی آنی تہ ءَ ھوار اِنت ءُ سرجمیں صوبگ ءَ ساپ ءُ سلہ، ساپیں آپ، سڑک آنی گہتری ءُ ایندگر شہری آسراتی پجاری ءِ واستہ گامگیج گیش موثر کنگ بوھگ ءَ اِنت۔ آئی ءَ گوشت کہ بنجاہی حکومت ءِ محکمہ توامیں سیادی داروکیں ادارگ آنی گوما نزیکی ءَ کار کنگ ءَ انت تانکہ سرکاری ازمت ءِ عمل ءَ را گیش گہتر ءُ مھکم کنگ بہ بیت۔ دیوان ءَ اے گپ ءِ سر ءَ ھم تپاک کنگ بوت کہ بلوچستان ءِ پدمنتگیں دمگاں نادر ءِ آسراتی پجارینگ ءُ کارگس آنی کارکردگی ءَ را گیش موثر جوڑ کنگ ءِ واستہ یکجائی گامگیج چست کنگ بیت۔ ڈپٹی چیئرمین سینیٹ سیادل خان ءَ اے جزم ءِ درشان کت کہ بلوچستان ءِ الس ءَ را بنیاتی آسراتی پجاری، وانگ ءُ زانگ ءِ دیمروئی ءُ یک نوکیں ادارکی نظام ءِ دیمروئی ءِ واستہ توامیں سیادی داروکیں ادارگ آنی گوما سرجمی ءَ کمک برجاہ دارگ بیت۔