جرمنی ءَ پاکستان ءِ سفیر ءَ او آئی سی کامسٹیک ءِ کوآرڈینیٹر جنرل ءَ گوں گند ءُ نند کت، اکیڈمک شریکداری ءَ را دیمروئی دیگ ءِ امکان آنی سر ءَ گپ ءُ تران

اسلام آباد۔10مارچ  (اے پی پی): جرمنی ءَ پاکستان ءِ سفیر ثقلین  سیدہ ءَ گوں برلن ءَ اسلامی کمک ءِ گل ءِ وزارتی قائمہ کمیٹی ءِ کوآرڈینیٹر جنرل ءَ گند ءُ نند کت۔ سئے شمبے ءِ روچ ءَ ادا وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ جرمن پٹ ءُ پول ءُ وانگ ءُ زانگ ءِ ادارگ ءُ او آئی سی ءِ باسکیں ملک آنی نیام ءَ اکیڈمک شریکداری ، یکجائی پٹ ءُ پول ءُ سائنسی ماہرین آنی تبادلہ ءِ دیمروئی ءِ امکانات آنی سر ءَ تران کنگ بوتگ۔ ڈاکٹر اقبال چوہدری ءَ گوشت کہ اے گند ءُ نند جرمنی ءِ نامداریں پٹ ءُ پولی ادارگ آنی نیام ءَ ممکنہ کمک ءِ بابت ءَ گپ ءُ تران کنگ ءِ یک ھاسیں موہ ءِ انت۔ آئی ءَ اے درگت ءَ لیبنیز ایسوسی ایشن، میکس پلانک سوسائٹی، فراؤنہوفر سوسائٹی ءُ ہیلم ہولٹز ایسوسی ایشن ءَ ھوار جرمنی ءِ سروکیں پٹ ءُ پولی نیٹ ورک آنی گوما کمک ءِ امکانات آنی ستا کرتگ۔ آئی ءَ گوشت کہ اے رنگیں کمک او آئی سی ءِ باسکیں ملک آنی تہ ءَ ھاسیں رنگ ءَ افریقہ ءِ کم دیمروئی کتگیں ملک آنی تہ ءَ سائنسی گنجائش آناں گیش کنگ ءِ تہ ءَ مزنیں کرد پیلو کت کنت۔ گند ءُ نند ءِ ساھت ءَ پروفیسر ڈاکٹر محمد اقبال چوہدری ءَ جرمن اکیڈمک ایکسچینج سروس ءِ کمک ءَ کامسٹیک ءُ جرمنی سائنسی شراکت داری ءِ جوڑ کنگ ءِ تجویز پیش کتگ تانکہ دراجیں مدت ءِ اکیڈمک ءُ پٹ ءُ پولی کمک ءَ را گیش کنگ بہ بیت۔ آئی ءَ اے گپ ءِ سر ءَ ھم زور پر دات کہ قابل تجدید توانائی، موسمیاتی بدلی، جان سلامتی ءِ زانت، مصنوعی ذہانت ءُ آپ ءِ رکھینگ ءِ وڑیں کلیدی پڑ آنی تہ ءَ یکجائی اولویت ءِ پٹ ءُ پولی پروگرام آنی بندات کنگ ءِ ضلورت اِنت کہ آ پائیدار دیمروئی ءِ جھان ءِ مول ءُ مراد آنی رد ءَ اَنت۔ گند ءُ نند ءَ مجوزہ کمک ءِ چیر دستی ءَ یکجائی فیلوشپ ءُ اکیڈمک ایکسچینج پروگرام ءِ وسیلگ ءَ اسکالرشپ ءُ پٹ ءُ پولی موہ آناں گیش کنگ ءِ امکانات آنی سر ءَ ھم ھیال ریچی کنگ بوت۔ ایشی ءَ ابید جرمن اردن یونیورسٹی ءِ ماڈل ءَ را کارمرد کنان ءَ او آئی سی ءِ باسکیں ملک آنی تہ ءَ پناہ گزین ءُ میزبان کمیونٹیز ءِ واستہ سائنس، ٹیکنالوجی، انجینئرنگ ءُ ریاضی ءِ وانگ ءُ زانگ ءِ رسائی ءَ را گیش کنگ ءِ امکانات آنی سر ءَ ھم گپ ءُ تران کنگ بوت۔ آئی ءَ پاکستان ءِ سفیر صقلین سیدہ ءَ را پاکستان ءِ آیوکیں تر ءُ تاب ءِ ساھت ءَ اسلام آباد ءَ او آئی سی کامسٹک ءِ بنجاہی کارگس ءِ تر ءُ تاب ءِ ھم دعوت دات تانکہ اے ھاسیں سائنسی کمک ءِ سر ءَ عمل کنگ ءِ واستہ آیوکیں روڈ میپ ءِ سر ءَ گیش دیمروئی بہ بیت۔