صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءِ سروکی ءَ کسانیں ءُ میاں اوستمانی کاروباری ادارگ ءِ دیمروئی اتھارٹی ءِ دیوان ءِ سروکی

اسلام آباد۔10مارچ  (اے پی پی): صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءِ سروکی ءَ کسان ءُ میاں اوستمانی کاروباری ادارگ ءِ دیمروئی اتھارٹی ءِ مزن تک ءِ دیوان برجم دارگ بوت۔ گند ءُ نند ءَ سیکرٹری انڈسٹریز اینڈ پروڈکشن سیف انجم، سی ای او سی ایم ڈی اے ءُ اسمیڈا بورڈ ءِ باسک آں شریک بوتگ۔ دیوان ءَ گوں گشتانک دیان ءَ ھارون اختر خان ءَ گوشت کہ ڈیجیٹلائزیشن ءِ وسیلگ ءَ کسان ءُ درنیامی کاروباری ادارگ آنی ڈیجیٹل ھستی ءَ را مھکم کنگ بوت کنت ءُ آھاں جھان ءِ مارکیٹ ءَ رسائی پجاری کنگ بوت کنت۔ آئی ءَ گوشت کہ ڈیجیٹل پلیٹ فارم ایس ایم ایز ءَ را وتی پروڈکٹس ءَ را جھان ءِ تک ءَ دیم ءَ آرگ ءُ برآمد کنگ ءِ موہ دنت۔ آئی ءَ گوشت کہ ایس ایم ایز ءِ واستہ ھاسیں ڈیجیٹل پلیٹ فارم جوڑ کنگ بوھگ ءَ انت تانکہ آ وتی پروڈکٹس ءَ را دگنیا ءِ دیم ءَ پیش بہ کن انت۔ آئی ءَ گوشت کہ مزن وزیر شہباز شریف ءِ وژن ءِ چیر دستی ءَ مائیکرو، کسانیں ءُ میاں اوستمانی کاروباری ادارگ، گوھر ءُ زیور ءُ آٹوموبائل سیکٹر ءِ واستہ یک سرجمیں پلیٹ فارم ءِ جوڑ کنگ بیت۔ ہارون اختر خان ءَ گوشت کہ نوکیں پلیٹ فارم گلوبل ای کامرس ماڈل آنی معیار آنی سر ءَ جوڑ کنگ بیت تانکہ پاکستانی پیداوار ءَ را میاں اوستمانی تک ءَ جوانیں رنگ ءَ پیش کنگ بہ بیت۔ اے پورٹل ءِ سر ءَ پاکستان ءَ جوڑ بوتگیں ویلیو ایڈڈ ءُ مزنیں کوالٹی ءِ چیز آنی سر ءَ چمشانک دیگ بیت۔ گند ءُ نند ءِ ساھت ءَ ھارون اختر خان ءِ ہدایت ءِ رد ءَ اے وژن ءِ سر ءَ عمل کنگ ءِ واستہ کارگس ھم جوڑ کنگ بوتگ۔